សិង្ហបុរី ៖ យោងតាមសារព័ត៌មាន Worldometers ឲ្យដឹងថា ប្រទេសសិង្ហបុរីបាននិងកំពុងផ្ទុះកើនឡើងយ៉ាងខ្លាំងករណីឆ្លងជំងឺកូវីដ-១៩ ខណៈក្នុងរយៈពេលពីរថ្ងៃប៉ុណ្ណោះ (២០-២១ ខែតុលា) មានអ្នកឆ្លងសរុប៧៣០១ករណី និងស្លាប់រហូតដល់៣៤នាក់។

ស្ថានភាពករណីឆ្លងជំងឺកូវីដ១៩ នៅប្រទេសសិង្ហបុរីក្នុងរយៈពេលពីរថ្ងៃប៉ុណ្ណោះ (២០-២១ ខែតុលា)រួមមាន ​៖ ថ្ងៃទី២០ ខែតុលា ៖ ករណីឆ្លង ៣៨៦២នាក់ និង១៨នាក់ស្លាប់ និងថ្ងៃទី២១ ខែតុលា ៖ ករណីឆ្លង ៣៤៣៩នាក់ និង១៦នាក់ស្លាប់។

គួរបញ្ជាក់ថា អនុប្រធាន​ក្រុមការងារ​ប្រយុទ្ធ​នឹង​ជំងឺ​កូ​វីដ​-១៩ សិង្ហ​បុរីបាន​លើកឡើងថា ស្ថានភាព​បច្ចុប្បន្ននេះ សិង្ហបុរី​កំពុង​ប្រឈម​នឹង​ហានិភ័យ​ធ្ងន់ធ្ងរ​នៃ​ប្រព័ន្ធ​សុខាភិបាល​ដែល​ត្រូវ​ផ្ទុក​អ្នកជំងឺ​ដ៏​ច្រើន​លើសលប់​។ ​លោក​បញ្ជាក់ថា គ្រែ​សម្រាប់​អ្នកជំងឺ​ជិត៩០ភាគរយ នៅ​មន្ទីរពេទ្យ​ពេញ​ទៅដោយ​អ្នកជំងឺ ហើយ​ជាង ២ ភាគ ៣ នៃ​គ្រែ​សង្គ្រោះបន្ទាន់​ក៏​ពេញ​ដោយ​អ្នកជំងឺ​ដូចគ្នា​ផងដែរ​។​

សូមជម្រាបថា គិតត្រឹមថ្ងៃទី២១ ខែតុលា ឆ្នាំ២០២១ សិង្ហបុរី ត្រូវបានគេរបាយការណ៍ចំនួនសរុបឆ្លងទូទាំងប្រទេសកើនដល់ ១៦២,០២៦នាក់ និងស្លាប់២៨០នាក់៕