ថៃបន្តរកឃើញអ្នកឆ្លងកូវីដ-១៩ ថ្មីៗចំនួន ៧.៧០៦ករណីទៀត និងស្លាប់៦៦នាក់ក្នុងរបាយការណ៍ថ្ងៃនេះ
ថ្ងៃចេញផ្សាយៈ ខែតុលា 26, 2021
បាងកក ៖ នៅព្រឹកថ្ងៃអង្គារនេះ ក្រសួងសុខាភិបាលថៃបានប្រកាសបន្តរកឃើញករណីឆ្លងថ្មីនៃជំងឺកូវីដ ១៩ ចំនួន ៧.៧០៦ ករណី និងមានអ្នកស្លាប់ចំនួន៦៦នាក់បន្ថែមទៀតក្នុងរយៈពេល២៤ម៉ោងចុងក្រោយនេះ។ នេះបើយោងតាមសារព័ត៌មាន Bangkok Post។
ក្រសួងសុខាភិបាលថៃបានបញ្ជាក់ថា នៅថ្ងៃច័ន្ទម្សិលមិញអ្នកជំងឺកូវីដ-១៩ ចំនួន ៩.៥៣២ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៨៣៨.០០០ នាក់ដែលក្នុងនោះ ១.៧២២.៤២២ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៨.៧៧១ នាក់ក្នុងកំឡុងពេលរលកទី ៣ និង ១៨.៨៦៥ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕