ថៃប្រកាសរកឃើញ​វីរុស​កូ​វីដពូជ​​ថ្មី Delta Plus ​ដែលឆ្លងខ្លាំង​ជាង Delta ​​ដល់​ទៅ១០ដង

បាងកក​ ៖ ក្រសួងសុខាភិបាល​ថៃបានប្រកាសថា ថៃ​បាន​រកឃើញ​វីរុស​កូ​វីដ១៩ ប​ម្លែ​ង​ខ្លួន​ថ្មី​ពូជ Delta Plus ដែលមាន​សមត្ថភាព​ឆ្លង​ខ្ពស់ និង​ខ្លាំង​ជាង Delta ធម្មតា​ដល់​ទៅ១០ភាគរយ​។​ នេះបើយោងតាមសារព័ត៌មាន Bangkok Post។

លោក​វេជ្ជបណ្ឌិត Chawetsan Namwat ប្រធាន​ផ្នែក​គ្រប់គ្រង​សុខភាព និង​ជំងឺឆ្លង​របស់​ក្រសួងសុខាភិបាល​ថៃ បាន​និយាយថា វីរុស​ប​ម្លែ​ង​ខ្លួន​ថ្មី ហើយ​ពូជ​ដែល​ត្រូវបាន​គេ​ស្គាល់​ថា AY.4.2 មួយ​នេះ ត្រូវបាន​រកឃើញ​នៅលើ​បុរស​អាយុ៤៩ឆ្នាំ​ម្នាក់ ដែល​ធ្វើការ​នៅ​ស្រុក Bang Sai នៃ​ខេត្ត អយុធ្យាកាលពី​ខែ​មុន​។ លោក​បញ្ជាក់ថា បុរស​នោះ មិនមាន​ប្រវត្តិ​ធ្វើដំណើរ​ទៅកាន់​តំបន់​គ្រោះថ្នាក់ ឬ​ទៅ​ក្រៅប្រទេស​នោះទេ​។​

គួរ​បញ្ជាក់ថា មកដល់ពេលនេះ អ្នកជំងឺ​រូបនេះ​បានជា​សះស្បើយ​ហើយ ហើយ​ករណី​ឆ្លង​លើ​អ្នកពាក់ព័ន្ធ​នៅ​មិនទាន់​ត្រូវបាន​រកឃើញ​នៅឡើយ​៕