អេស្ប៉ាញ ៖ លោក Ronald Koeman ត្រូវបាន​ក្លឹប Barcelona បណ្តេញ​ចេញពី​តំណែងហើយ ​បន្ទាប់ពី​ប្រកួត​ចាញ់​ក្រុម Rayo Vallecano ដោយ​លទ្ធផល ១-០ កាលពី​យប់មិញ។​

​បុរស​វ័យ​៥៨​ឆ្នាំ​រូបនេះ​ត្រូវបានតែងតាំង​ជា​គ្រូបង្វឹក​ក្លឹប​យក្ស​កាតា​ឡាន​កាលពី​ខែសីហា​ឆ្នាំមុន និង​បាន​ដឹកនាំ​ក្លឹប​ឱ្យ​ឈ្នះ​ពានរង្វាន់ Copa del Rey 2020-21 ប៉ុន្តែ​ពួកគេ​បាន​ខកចិត្ត​នៅ La Liga និង Champions League កាលពី​រដូវ​កាល​នេះ​។​

​គ្រូបង្វឹក​សញ្ជាតិ​ហូ​ឡង់​រូបនេះ​ជួយ​កា​រលំ​បាល​ក្នុងការ​ស្វែងរក​ជ័យជម្នះ​នៅ​រដូវ​កាល​នេះ​ដោយ Barcelona ទទួលបាន​ត្រឹមតែ​៣​ពិន្ទុ​ប៉ុណ្ណោះ​ពី​ការប្រកួត​វគ្គ​ចែក​ពូ​ល Champions League ចំនួន​៣​លើក​របស់​ពួកគេ​។​

​ក្រុម​យក្ស La Liga បាន​រង​បរាជ័យ​ក្នុងផ្ទះ​ខ្លួនឯង ២-១ ក្រោម​ថ្វី​ជើង​ក្រុម Real Madrid ក្នុងជំនួប El Clasico កាលពី​ថ្ងៃអាទិត្យ មុនពេល​ចាញ់​ក្រុម Rayo ១-០ កាលពី​ថ្ងៃ​ពុធ ហើយ​សេចក្តីថ្លែងការណ៍​ដែល​បញ្ជាក់​ពី​ការចាកចេញ​របស់ Koeman គឺជា​ព្រមព្រៀងគ្នា​។​

​សេចក្តីថ្លែងការណ៍​បាន​ឲ្យ​ដឹងថា​”​ក្លឹប FC Barcelona បានសម្រេច​បណ្ដេញ​លោក Ronald Koeman ចេញពី​តួនាទី​ជា​គ្រូបង្វឹក​ហើយ​។ ប្រធាន​ក្លឹប​លោក Joan Laporta បាន​ប្រាប់​គាត់​អំពី​ការសម្រេចចិត្ត​បន្ទាប់ពី​ការបរាជ័យ​ក្រោម​ថ្វី​ជើង Rayo Vallecano ។ Ronald Koeman នឹង​និយាយ​លា​ក្រុម​នៅ​ថ្ងៃ​ព្រហស្បតិ៍​នេះ​នៅ Ciutat Esportiva ។ “​ក្លឹប FC Barcelona សូម​ថ្លែងអំណរគុណ​ចំពោះ​គាត់​ក្នុងការ​ចំណាយពេល​មួយរយៈ​ជាមួយ​ក្លឹប ហើយ​សូម​ជូនពរ​គាត់​ឱ្យ​ទទួលបាន​ជោគជ័យ​ក្នុង​អាជីព​របស់គាត់​” ។​

​គួរ​បញ្ជក់​ថា Koeman ចាក​ចេញពី​កីឡដ្ឋាន Camp Nou បន្ទាប់ពី​បាន​ដឹកនាំ​ការប្រកួត​ចំនួន​៦៧​ប្រក​យ​ត​ដោយ​ឈ្នះ ៣៩​ប្រកួត ស្មើ ១២​ប្រកួត និង​ចាញ់ ១៦​ប្រកួត​។ យ៉ាងណាមិញ Barcelona ត្រូវបាន​គេ​ជឿថា​កំពុង​ពិចារណា​លើ​ការតែងតាំង​អតីត​ខ្សែបម្រើ​របស់​ពួកគេ Xavi ជា​អ្នក​ជំនួស Koeman ៕