ឯកសណ្ឋាន​ថ្មី​របស់ក្រុម U-23 កម្ពុជា លេង​នៅ​ស៊ី​ហ្គេម

ភ្នំពេញ ៖ ក្រុមហ៊ុន FBT របស់​ថៃ​ដែល​ដៃ​ឧបត្ថម្ភ គណៈកម្មាធិការ​ជាតិ​អូឡាំពិក​កម្ពុជា (NOCC) សម្រាប់​ព្រឹត្តិការណ៍​ស៊ី​ហ្គេម​នៅ​ប្រទេស​វៀតណាម បាន​បញ្ចេញ​នូវ​ឯកសណ្ឋាន​ថ្មី​របស់​ក្រុម​ជម្រើសជាតិ​កម្ពុជា​ក្រោម​អាយុ​២៣​ឆ្នាំ​ដោយមាន​២​ពណ៌ សម្រាប់​ប្រើប្រាស់​ក្នុង​ព្រឹត្តិការណ៍​នេះ​។​

​សូមជម្រាបថា សម្រាប់​ព្រឹត្តិការណ៍​ខាងលើ U23 កម្ពុជា ស្ថិតក្នុង​ពូ​ល B ជាមួយ​ក្រុម U23 ថៃ​, U23 ម៉ាឡេស៊ី​, U23 សិង្ហ​បុរី និង U23 ឡាវ​។ ចំពោះ​កម្មវិធី​ប្រកួត​របស់​ក្រុម U23​កម្ពុជា នឹងត្រូវ​ធ្វើកា រ​ប្រកួត បើកឆាក​នា​ថ្ងៃទី​០៩ ខែឧសភា ដោយ​ត្រូវ​ជួប U23 ឡាវ (​ម៉ោង ៤​រសៀល​) បន្ទាប់មក​នៅ​ថ្ងៃទី​១១ ខែឧសភា ត្រូវ​ជួប​ក្រុម U23 សិង្ហ​បុរី (​ម៉ោង ៤​រសៀល​) មុន​ជួប​ក្រុម U23 ថៃ (​ម៉ោង ៧​យប់​) នា​ថ្ងៃទី​១៤ ខែឧសភា និង​ប្រកួត​ចុងក្រោយ​ជួប​ក្រុម U23 ម៉ាឡេស៊ី នៅ​ថ្ងៃទី​១៦ ខែឧសភា ឆ្នាំ​២០២២ (​ម៉ោង ៤​រសៀល​)៕