ឆក់ចរន្តអគ្គិសនីក្នុងពិធីដង្ហែសាសនាមួយនៅឥណ្ឌា, មនុស្ស១១នាក់ស្លាប់ និងជិត២០នាក់របួស
ថ្ងៃចេញផ្សាយៈ ខែមេសា 28, 2022
ញូដេលី ៖ យ៉ាងហោចណាស់មនុស្សចំនួន១១នាក់បានស្លាប់ នៅភាគខាងកើតប្រទេសឥណ្ឌា ក្រោយឆក់ចរន្តអគ្គិសនីអំឡុងពេលប្រារព្ធពិធីបុណ្យសាសនា ដោយការជិះរទេះសេះ។ នេះបើយោងតាមរបាយការណ៍របស់សារព័ត៌មាន RT ។
ហេតុការណ៍ដ៏គួរឲ្យរន្ធត់នេះ បានកើតឡើងនៅពេលដែលរថយន្តភីកអាប់ ដឹករូបព្រះ ហើយឡោមព័ទ្ធដោយហ្វូងមនុស្ស បានបើកបុកជាមួយខ្សែភ្លើងតង់ស្យុងខ្ពស់លើអាកាស បាក់ធ្លាក់ចុះមកដី ដោយបណ្ដាលឲ្យមនុស្ស១១នាក់ស្លាប់ ខណៈដែល១៥នាក់ផ្សេងទៀត ត្រូវបានគេរាយការណ៍ថា រងរបួស៕
