ថ្ងៃនេះ ថៃបន្តរកឃើញអ្នកឆ្លងកូវីដថ្មីចំនួន៩.៣៣១ករណី និងស្លាប់៨៤នាក់ទៀត
ថ្ងៃចេញផ្សាយៈ ខែឧសភា 2, 2022
បាងកក ៖ ក្រសួងសុខាភិបាលថៃ នៅព្រឹកថ្ងៃចន្ទ ទី០២ ខែឧសភា ឆ្នាំ២០២២នេះ បានរាយការណ៍ពីការរកឃើញករណីឆ្លងជំងឺកូវីដ១៩ថ្មីចំនួន ៩.៣៣១ករណីបន្ថែមទៀតនិងស្លាប់៨៤នាក់ ក្នុងរយៈពេល ២៤ម៉ោងចុងក្រោយនេះ។
យោងតាមរបាយការណ៍ពីក្រសួងសុខាភិបាលបានឲ្យដឹងថា ក្នុងចំណោមករណីឆ្លងថ្មីៗខាងលើ មាន ៩.២៧៣ករណី ជាករណីឆ្លងក្នុងសហគមន៍ និង ៥៨ករណីទៀតជាករណីនាំចូល ខណៈអ្នកជំងឺចំនួន ២២,០២២នាក់ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។
សូមជម្រាបថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ កូវីដ១៩ សរុបនៅទូទាំងប្រទេសចំនួន ៤,២៧១,៨១៥ករណី ក្នុងនោះមានអ្នកស្លាប់ ២៨,៧០១នាក់ និងអ្នកជាសះស្បើយឡើងវិញគឺ ៤.១១៤.០៤៦ នាក់៕