Biden ជំរុញសភាឲ្យអនុម័ត ឲ្យបានឆាប់រហ័សនូវការផ្ដល់មូលនិធិគាំទ្របន្ថែមដល់អ៊ុយក្រែន
ថ្ងៃចេញផ្សាយៈ ខែឧសភា 4, 2022
វ៉ាស៊ីនតោន ៖ ប្រធានាធិបតីអាមេរិក លោក Joe Biden បានអំពាវនាវឱ្យសភាអាមេរិកអនុម័តឱ្យបានឆាប់តាមដែលអាចធ្វើទៅបាន ចំពោះការផ្តល់មូលនិធិជាជំនួយសម្រាប់អ៊ុយក្រែន ដែលសេតវិមានបានស្នើសុំ។
កាលពីសប្តាហ៍មុន ប្រធានាធិបតីអាមេរិកលោក Biden ក៏បានស្នើសុំសមាជិកសភា សម្រាប់ការចំណាយបន្ថែមចំនួន ៣៣ ពាន់លានដុល្លារ ដើម្បីគាំទ្រដល់អ៊ុយក្រែន ដែលជាចំនួនដ៏ច្រើនដែលលោក និយាយថា នឹងជួយប្រជាជនអ៊ុយក្រែនបន្តប្រយុទ្ធប្រឆាំងនឹងការឈ្លានពានរបស់រុស្ស៊ី។
លោក Biden បានសរសេរនៅលើ Twitter កាលពីថ្ងៃអង្គារថា ខ្ញុំ បានជំរុញឱ្យសភាអនុម័តការផ្តល់មូលនិធិនេះឱ្យបានឆាប់រហ័ស ដើម្បីជួយអ៊ុយក្រែនការពារប្រឆាំងនឹងការឈ្លានពានរបស់រុស្ស៊ីដែលកំពុងបន្ត៕