ថៃបន្តរកឃើញអ្នកឆ្លងកូវីដចំនួន ៨.៩៦៨ករណីបន្ថែមទៀត និងស្លាប់៦៤នាក់ក្នុងរបាយការណ៍ថ្ងៃនេះ
ថ្ងៃចេញផ្សាយៈ ខែតុលា 29, 2021
បាងកក ៖ ក្រសួងសុខាភិបាលថៃបានប្រកាសនៅព្រឹកថ្ងៃសុក្រនេះពីការបន្តរកឃើញករណីឆ្លងថ្មីនៃជំងឺកូវីដ១៩ ចំនួន៨.៩៦៨ករណីបន្ថែមទៀត និងអ្នកស្លាប់ចំនួន៦៤នាក់ទៀតផងដែរ ក្នុងរយៈពេល២៤ ម៉ោងចុងនេះ។ នេះបើយោងតាមសារព័ត៌មាន Bangkok Post។
បើតាមក្រសួងសុខាភិបាលថៃបញ្ជាក់ថា នៅថ្ងៃព្រហស្បតិ៍ម្សិលមិញអ្នកជំងឺកូវីដ -១៩ ចំនួន ៨.៧៤៧ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៨៦៥.០៧៨ នាក់ដែលក្នុងនោះ ១.៧៤៨.១៤៤ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៨.៩៧៦ នាក់ក្នុងកំឡុងពេលរលកទី ៣ និង ១៩.០៧០ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕