ថៃបន្តរកឃើញអ្នកអ្នកឆ្លងកូវីដ-១៩ ចំនួន៧.៦៧៩ករណីថែមទៀត និងស្លាប់៥៦នាក់ក្នុងរបាយការណ៍ថ្ងៃនេះ
ថ្ងៃចេញផ្សាយៈ ខែវិច្ឆិកា 3, 2021
បាងកក ៖ នៅព្រឹកថ្ងៃពុធនេះ ក្រសួងសុខាភិបាលថៃបានប្រកាសរកឃើញករណីឆ្លងថ្មីនៃជំងឺកូវីដ-១៩ ចំនួន៧.៦៧៩ករណីបន្ថែមទៀត និងអ្នកស្លាប់ដោយសារជំងឺដ៏កាចសាហាវនេះចំនួន៥៦នាក់ផងដែរក្នុងរយៈពេល២៤ម៉ោងចុងក្រោយនេះ។ នេះបើយោងតាមសារព័ត៌មាន Bangkok Post។
ក្រសួងសុខាភិបាលថៃបញ្ជាក់ថា នៅថ្ងៃអង្គារម្សិលមិញអ្នកជំងឺកូវីដ -១៩ ចំនួន ៨.៤៨២ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៩០៦.៥៧៩ នាក់ដែលក្នុងនោះ ១.៧៩១.០៣៧ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៩.៣០០ នាក់ក្នុងកំឡុងពេលរលកទី ៣ និង ១៩.៣៩៤ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕