ថៃបន្តរកឃើញអ្នកឆ្លងកូវីដចំនួន៧.៩៨២នាក់ថែមទៀត និងស្លាប់ចំនួន៦៨នាក់ ក្នុងរបាយការណ៍ថ្ងៃនេះ
ថ្ងៃចេញផ្សាយៈ ខែវិច្ឆិកា 4, 2021
បាងកក ៖ នៅព្រឹកថ្ងៃព្រហស្បតិ៍នេះ ក្រសួងសុខាភិបាលថៃបានប្រកាសរកឃើញករណីឆ្លងថ្មីនៃជំងឺកូវីដ ១៩ ចំនួន ៧.៩៨២ករណី និងមានអ្នកស្លាប់ដោយសារជំងឺដ៏កាចសាហវនេះ ចំនួន៦៨នាក់បន្ថែមទៀតក្នុងរយៈពេល ២៤ម៉ោងចុងក្រោយនេះ។ នេះបើយោងតាមសារព័ត៌មាន Bangkok Post។
ក្រសួងសុខាភិបាលថៃបានបញ្ជាក់ថា នៅថ្ងៃអង្គារម្សិលមិញអ្នកជំងឺកូវីដ -១៩ ចំនួន ៨.០២៩ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៩១៤.៥៦១ នាក់ដែលក្នុងនោះ ១.៨២៦.៤៩២ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៩.៣៦៨ នាក់ក្នុងកំឡុងពេលរលកទី ៣ និង ១៩.៤៦២ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕