ខេត្តកែប ៖ នៅរសៀលថ្ងៃព្រហស្បតិ៍​ ១៤រោច ខែអស្សុជ​  ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី០៤​ ខែវិច្ឆិកា​ ឆ្នាំ២០២១នេះក្រុមប្រឹក្សាខេត្តកែប បានបើកកិច្ចប្រជុំសាមញ្ញលើកទី២៩  អាណត្តិទី៣​ ដោយលើកយកនូវរបៀបវារៈចំនួន៥មកពិភាក្សា និងអនុម័តក្រោមវត្តមាន ឯកឧត្តម សំ សារីន ប្រធានក្រុមប្រឹក្សាខេត្ត និង ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប។

ឯកឧត្តម សំ សារីន ប្រធានក្រុមប្រឹក្សាខេត្ត បានលើកយកនូវរបៀបវារៈចំនួន៥ ដើម្បីដាក់ជូនអង្គប្រជុំពិនិត្យ ពិភាក្សា និងអនុម័តរួមមាន ៖

១– ពិនិត្យ ពិភាក្សា​ និងអនុម័តលើសេចក្ដីព្រាងកំណត់ហេតុកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្ត អាណត្តិទី៣ កាលពីថ្ងៃចន្ទ ១៣រោច ខែភទ្របទ​ ឆ្នាំឆ្លូវ ត្រីស័ក ព.ស.២៥៦៤ ត្រូវនឹងថ្ងៃទី០៤ ខែតុលា​​ ឆ្នាំ២០២១។

២–របាយការណ៍​វឌ្ឍនភាព​របស់ គណ:កម្មការកាតព្វកិច្ចក្រុមប្រឹក្សាខេត្ត។

-​ គណ:កម្មការសម្របសម្រួលបច្ចេកទេស​

-​ គណ:កម្មការពិគ្រោះយោបល់​ស្ត្រី​ និងកុមារ​

-​ គណ:កម្មការលទ្ធកម្ម​

-​ គណ:កម្មការសុរិយោដី​ខេត្ត​

-​ គណ:កម្មការរៀបចំគម្រោងខេត្ត​

– របាយការណ៍​ប្រចាំ​ខែ​ របស់ការិយាល័យប្រជាពលរដ្ឋ​របស់​ រដ្ឋបាលខេត្ត​

៣– សសេចក្ដីព្រាងរបាយការណ៍ស្ដី​ពី​ សកម្មភាព​សំខាន់​ៗ​ ដែលបានអនុវត្តន៍ដោយ​ គណៈអភិបាល​ខេត្ត​ ក្នុងចន្លោះកិច្ចប្រជុំសាមញ្ញលេីកទី២៨ ដល់កិច្ចប្រជុំសាមញ្ញលេីកទី២៩ របស់​ក្រុម​ប្រឹក្សា​ខេត្ត​។

៤– ពិនិត្យ ពិភាក្សា និងអនុម័តលើសេចក្ដីព្រាងរបាយការណ៍បូកសរុបលទ្ធផលការងារប្រចាំខែតុលា ឆ្នាំ២០២១ និងលើកទិសដៅអនុវត្តន៍ការងារខែបន្ទាប់របស់ រដ្ឋបាលខេត្ត

៥-​ បញ្ហាផ្សេងៗ។

សូមបញ្ជាក់ថា កិច្ចប្រជុំសាមញ្ញលើកទី២៩នេះ មានការអញ្ចេីញចូលរួម​ពីសំណាក​ ឯកឧត្តម​ លោកជំទាវ​ ជាសមាជិក​ សមាជិកា​ ក្រុមប្រឹក្សា​ខេត្ត​ លោក​ លោកស្រី​ ជាអភិបាលរងខេត្ត​ នាយក​ នាយករងរដ្ឋបាលសាលាខេត្ត​ នាយក​ នាយិកាទីចាក់ការជំនាញសាលាខេត្ត​ ប្រធានមន្ទីរ​អង្គភាព​ពាក់ព័ន្ធ​ជុំវិញខេត្ត រួមនិងមន្ត្រីពាក់ព័ន្ធមួយចំនួនទៀត៕ ដោយ ៖ ទ្រី ហៀន