ថ្ងៃនេះ ថៃបន្តរកឃើញអ្នកឆ្លងជំងឺកូវីដ-១៩ ចំនួន៨.១៤៨ករណីបន្ថែមទៀត និងស្លាប់៨០នាក់
ថ្ងៃចេញផ្សាយៈ ខែវិច្ឆិកា 5, 2021
បាងកក ៖ នៅព្រឹកថ្ងៃសុក្រនេះ ក្រសួងសុខាភិបាលថៃបានប្រកាសរកឃើញករណីឆ្លងថ្មីនៃជំងឺកូវីដ ១៩ ចំនួន៨.១៤៨ករណីបន្ថែមទៀត និងអ្នកស្លាប់ថ្មីដោយសារជំងឺដ៏កាចសាហាវនេះចំនួន៨០នាក់ផងដែរក្នុងរយៈពេល២៤ម៉ោងក្រោយនេះ។ នេះបើយោងតាមសារព័ត៌មាន Bangkok Post។
ក្រសួងសុខាភិបាលថៃបានបញ្ជាក់ថា នៅថ្ងៃម្សិលមិញអ្នកជំងឺកូវីដ -១៩ ចំនួន ៨.២៣៨ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៩២២.៧០៩ នាក់ដែលក្នុងនោះ ១.៨០៧.៣០៤ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៩.៤៤៨ នាក់ក្នុងកំឡុងពេលរលកទី ៣ និង ១៩.៥៤២ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕