ថៃបន្តរកឃើញអ្នកឆ្លងជំងឺកូវីដ-១៩ ចំនួន៧.៥៩២ករណីបន្ថែមទៀត និងស្លាប់៣៩នាក់ក្នុងរបាយការណ៍ថ្ងៃនេះ
ថ្ងៃចេញផ្សាយៈ ខែវិច្ឆិកា 8, 2021
បាងកក ៖ ក្រសួងសុខាភិបាលថៃ នៅព្រឹកថ្ងៃច័ន្ទនេះបានប្រកាសបន្តរកឃើញករណីឆ្លងថ្មីនៃជំងឺកូវីដ ១៩ ចំនួន ៧.៥៩២ករណី និងមានអ្នកស្លាប់ដោយសារជំងឺដ៏កាចសាហាវនេះចំនួន៣៩នាក់បន្ថែមទៀតក្នុងរយៈពេល២៤ម៉ោងចុងក្រោយនេះ។ នេះបើយោងតាមសារព័ត៌មាន Bangkok Post
ក្រសួងសុខាភិបាលថៃបញ្ជាក់ថា នៅថ្ងៃអាទិត្យម្សិលមិញអ្នកជំងឺកូវីដ -១៩ ចំនួន ៧.៤៩៥ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៩៤៦.៧២៨ នាក់ដែលក្នុងនោះ ១.៨៣០.០៣៧ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៩.៦០៩ នាក់ក្នុងកំឡុងពេលរលកទី ៣ និង ១៩.៧០៣ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕