ថៃបន្តរកឃើញអ្នកឆ្លងកូវីដ-១៩ ចំនួន៦.៩០៤ករណី និងស្លាប់ចំនួន៦១នាក់ទៀតក្នុងរបាយការណ៍ថ្ងៃនេះ
បាងកក ៖ ក្រសួងសុខាភិបាលថៃបានប្រកាសនៅព្រឹកថ្ងៃអង្គារនេះបានប្រកាសពីការបន្តរកឃើញករណីឆ្លងថ្មី នៃជំងឺកូវីដ១៩ ចំនួន ៦.៩០៤ករណី និងអ្នកស្លាប់ដោយសារជំងឺដ៏កាចសាហាវនេះចំនួន ៦១នាក់បន្ថែមទៀតក្នុងរយៈពេល២៤ម៉ោងចុងក្រោយនេះ។ នេះបើយោងតាមសារព័ត៌មាន Bangkok Post ។
បើតាមក្រសួងសុខាភិបាលថៃបានបញ្ជាក់ថា នៅថ្ងៃច័ន្ទម្សិលមិញអ្នកជំងឺកូវីដ -១៩ ចំនួន ៨.០២៤ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។
សូមជម្រាបថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៩៥៣.៦៣២ នាក់ដែលក្នុងនោះ ១.៨៣៨.០៦១ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៩.៦៧០ នាក់ក្នុងកំឡុងពេលរលកទី ៣ និង ១៩.៧៦៤ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕