ត្រាំ ព្រមានថា ការបំផ្លាញបំពង់បង្ហូរឧស្ម័នជាសកម្មភាពរបស់អាមេរិកនឹងនាំឲ្យផ្ទុះសង្គ្រាមលោកលើកទី៣
វ៉ាស៊ីនតោន ៖ អតីតប្រធានាធិបតីអាមេរិក លោក ដូណាល់ ត្រាំ បានព្រមានថា ការបំផ្លិចបំផ្លាញបំពង់បង្ហូរឧស្ម័ន Nord Stream ១ និង ២ របស់រុស្ស៊ីនៅសមុទ្របាល់ទិក អាចនាំឱ្យមានសង្គ្រាមលោកលើកទី ៣ដោយចៀសមិនរួច។
លោក Trump បានចូលទៅកាន់វេទិកាសង្គម Truth Social របស់គាត់កាលពីថ្ងៃពុធ ដោយបង្ហោះឃ្លីបមួយកាលពីខែកុម្ភៈ ដែលស្នងតំណែងរបស់គាត់គឺប្រធានាធិបតី Joe Biden បានប្រាប់អ្នកកាសែតថា “ប្រសិនបើរុស្ស៊ីឈ្លានពាន អ៊ុយក្រែន នោះនឹងមិនមាន Nord Stream 2 ទៀតទេ។
ដោយឡែក លោក ចូ បៃដិន បានសង្កត់ធ្ងន់ថា “យើងនឹងបញ្ចប់វា “។ ទន្ទឹមនោះ នៅពេលដែលត្រូវបានសួរអំពីរបៀបដែលទីក្រុងវ៉ាស៊ីនតោនគ្រោងនឹងសម្រេចកិច្ចការបាននោះ ដោយពិចារណាថាបំពង់បង្ហូរប្រេងនេះស្ថិតនៅក្រោមការគ្រប់គ្រងរបស់ប្រទេសអាល្លឺម៉ង់ លោក Biden បានឆ្លើយតបភ្លាមៗថា “ខ្ញុំសន្យានឹងអ្នក ថាយើងនឹងអាចធ្វើវាបាន”។ បៃដិនចង់និយាយថា អាមេរិកនឹងមានអ្វីផ្សេងទៀតមកជំនួសបំពង់បង្ហូរឧស្មន័របស់រុស្ស៊ី។
នៅក្នុងសេចក្តីថ្លែងការណ៍មួយ ដែលលើកជាសំណួរថា តើសង្គ្រាមលោកលើកទី៣ មានអ្នកណាខ្លះ? លោក Trump បានសរសេរដូច្នេះនៅក្នុងមតិខ្លីមួយនៅក្រោមវីដេអូដែលលោកបានបង្ហោះនោះ។
ការបង្ហោះរបស់លោលត្រាំគឺជាការជេរប្រទេចជាក់ស្តែងនៅលោក Biden ដោយលោកបានបង្ហើបថា សហរដ្ឋអាមេរិកអាចជាប់ពាក់ព័ន្ធនឹងការលេចធ្លាយ បំពង់បង្ហូរឧស្មន័របស់រុស្ស៊ីនៅសមុទ្របាល់ទិកដែលត្រូវបានរកឃើញនៅដើមសប្តាហ៍នេះ ខណៈដែលបំពង់បង្ហូរ Nord Stream នោះតភ្ជាប់ពីរុស្ស៊ីទៅអឺរ៉ុប ខណៈដែលបំពង់បង្ហូរប្រេងលេខ ២ ជាពិសេសនោះគឺទៅកាន់ប្រទេសអាល្លឺម៉ង់តែម្តង ដែលវាស្ថិតនៅក្រោមសមុទ្របាល់ទិក។
ចំណែកកាសែត Daily Mail បានសួរទៅកាន់អ្នកនាំពាក្យរបស់ Trump គឺលោក Taylor Budowich ដើម្បីសុំការបំភ្លឺនូវអ្វីដែលត្រាំបានលើកទ្បើង ប៉ុន្តែគាត់បាននិយាយថា “សេចក្តីថ្លែងការណ៍របស់អតីតប្រធានាធិបតីអាមេរិកនោះគឺនិយាយសម្រាប់ខ្លួនគាត់ឬជាការបញ្ចេញមតិតែប៉ុណ្ណោះ៕