ថ្ងៃនេះ ឡាវមានអ្នកឆ្លងកូវីដ១៩ ចំនួន១.០៧៣នាក់ទៀត និងស្លាប់២នាក់
ថ្ងៃចេញផ្សាយៈ ខែវិច្ឆិកា 17, 2021
វៀងច័ន្ទ ៖ ប្រទេសឡាវនៅថ្ងៃពុធនេះបានកត់ត្រាករណីឆ្លងថ្មីនៃជំងឺកូវីដ១៩ ចំនួន១.០៧៣ករណីបន្ថែមទៀតនៅទូទាំងប្រទេស ខណៈអ្នកស្លាប់ថ្មីចំនួន២នាក់ទៀតផងដែរ។
ទីភ្នាក់ងារបង្ការ និងទប់ស្កាត់ជំងឺឆ្លងឡាវ បានរាយការណ៍ថា ការធ្វើតេស្តលើមនុស្សចំនួន ៥.៤៦១ ត្រូវបានធ្វើឡើងនៅទូទាំងប្រទេសក្នុងរយៈពេល ២៤ ម៉ោងចុងក្រោយ ដោយរកឃើញវិជ្ជមានចំនួន ១.០៧៣ នាក់។
ក្រសួងសុខាភិបាលឡាវ បានបញ្ជាក់ថា ក្នុងចំណោមករណីឆ្លង ១.០៧៣ នាក់ខាងលើ មានករណីនាំចូល១ករណី និង ១.០៧២ ករណីជាការឆ្លងក្នុងសហគមន៍។
សូមជម្រាបថា បច្ចុប្បន្នប្រទេសឡាវមានករណីឆ្លងជំងឺកូវីដ-១៩ សរុបចំនួន៥៧.៣៩៧ ករណី ក្នុងនោះមានអ្នកស្លាប់ចំនួន១១២ នាក់៕