រុស្ស៊ីបន្តរកឃើញអ្នកឆ្លងកូវីដ១៩ ចំនួន៣៣,៩៩៦ករណី និងស្លាប់ ១,២៤៣នាក់ទៀតក្នុងរបាយការណ៍ថ្ងៃអង្គារ

ម៉ូស្គូ ៖ អាជ្ញាធររុស្ស៊ីបានបញ្ជាក់នៅថ្ងៃអង្គារនេះ ពីការរកឃើញនូវករណីឆ្លងថ្មី នៃជំងឺកូវីដ១៩ ចំនួន៣៣,៩៩៦នាក់ក្នុងរយៈពេល ២៤ ម៉ោងចុងក្រោយ ដែលនាំឱ្យចំនួនសរុបទូទាំងប្រទេសកើនឡើងដល់ ៩,៤០០,៨៣៥ករណី។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ។

ក្នុងថ្ងៃជាមួយគ្នានេះ រុស្ស៊ីក៏បានរកឃើញអ្នកស្លាប់ដោយសារជំងឺដ៏កាចសាហាវនេះចំនួន ១,២៤៣នាក់ទៀតផងដែរ ដែលនាំចំនួនអ្នកស្លាប់សរុបកើនដល់ ២៦៦,០៩៥នាក់។ ដោយឡែកចំនួនអ្នកជាសះស្បើយថ្មីមានចំនួន៣៦,៥០៤នាក់ នៃចំនួនសរុប ៨,០៨៩,៦៩៤ នាក់៕