ក្លឹបនៅអង់គ្លេសចំណាយលើការផ្ទេរប្រាក់ជាង២ ពាន់លានដុល្លារជាលើកដំបូង ក្នុងឆ្នាំ២០២២
ក្រុងឡុងដ៍ ៖ ក្លឹបបាល់ទាត់អង់គ្លេសបានចំណាយប្រាក់ជាង ២ ពាន់លានដុល្លារលើការចុះហត្ថលេខាថ្មីក្នុងឆ្នាំ២០២២ ជាលើកដំបូង។នេះបើយោងតាមរបាយការណ៍ផ្ទេរជាសកលរបស់ FIFA ដែលបានបង្ហាញកាលពីថ្ងៃព្រហស្បតិ៍។
មានការផ្ទេរចំនួន ២០,២០៩នាក់ ក្នុងពិភពកីឡាបាល់ទាត់អាជីពផ្នែកបុរស នាឆ្នាំ២០២២ ដែលចំនួននេះមានការកើនឡើង ១១.៦ភាគរយបើធៀបនឹងឆ្នាំ២០២១ ហើយថែមទាំងលើសឆ្នាំ២០១៩ មុនការរាតត្បាតជំងឺកូវីដ-១៩ ថែមទៀត។
ក្នុងចំណោមការផ្ទេរចំនួន ២,៨៤៣នាក់ ដែលក្នុងនោះរួមបញ្ចូលទាំងឈ្នួលផងដែរ ការផ្ទេរដែលមានតម្លៃកំពូលទាំង១០០ មានតម្លៃជិតស្មើនឹង ៥០ភាគរយ នៃប្រាក់ដែលបានចំណាយសរុប ជាមួយនឹងក្លិបនៅអង់គ្លេសបានឈរនៅលំដាប់កំពូលក្នុងបញ្ជីជាថ្មីម្តងទៀត។
នេះគឺជាលើកដំបូងហើយដែលការចំណាយលើការផ្ទេរនៅអង់គ្លេស បានលើស ២ពាន់លានដុល្លារអាមេរិក ពោលគឺឈានដល់កំណត់ត្រាខ្ពស់ ជិត ២.២ពាន់លានដុល្លារ៕