ជនស៊ីវិល៩នាក់ស្លាប់ និងរបួស ក្នុងការវាយឆ្មក់តាមអាកាសរបស់អ៊ីស្រាអែលទៅលើតំបន់កណ្តាលនៃប្រទេសស៊ីរី
យេរូសាឡឹម ៖ ប្រព័ន្ធផ្សព្វផ្សាយផ្លូវការអ៊ីស្រាអែល បានរាយការណ៍ កាលពីថ្ងៃ ពុធថា ការវាយឆ្មក់តាមអាកាសរបស់អ៊ីស្រាអែលទៅលើតំបន់កណ្តាលរបស់ប្រទេសស៊ីរីបានសម្លាប់ជនស៊ីវិលចំនួន២នាក់ និងមនុស្ស៧នាក់ផ្សេងទៀតរងរបួសផងដែរ។
ទីភ្នាក់ងារសារព័ត៌មានរដ្ឋ SANA បានរាយការណ៍ថា ការឈ្លានពានតាមអាកាសរបស់អ៊ីស្រាអែលនេះបានកំណត់គោលដៅផ្នែកខ្លះនៃតំបន់កណ្តាលប្រទេស៊ីរីតែម្ដង ហើយភ្លាមៗនោះ កងការពារដែនអាកាសស៊ីរីក៏បានឆ្លើយតបទៅវិញភ្លាមៗ ដូចគ្នា។ ទីភ្នាក់ងារដដែល បន្តថា មានជនស៊ីវិល ២ នាក់ត្រូវបានសម្លាប់ ខណដែល ៧ នាក់ផ្សេងទៀតរងរបួស ហើយក្នុងចំណោម ៧ នាក់មានម្នាក់រងរបួសធ្ងន់។
មន្ត្រីយោធាស៊ីរីម្នាក់ ដែលមិនបញ្ចេញឈ្មោះ បាននិយាយថា យន្តហោះចម្បាំងបានបាញ់មីស៊ីលមកលើប្រទេសស៊ីរីនៅវេលាម៉ោង ១ និង ២៦ នាទី ព្រឹកថ្ងៃពុធ (ម៉ោងក្នុងស្រុក) ខណៈពេលដែលកំពុងហោះហើរពីលើដែនអាកាសនៃប្រទេសលីបង់ ដែលជិតខាងគ្នានោះ។
សូមជម្រាបថា ក្នុងរយៈពេលប៉ុន្មានឆ្នាំកន្លងមកនេះ អ៊ីស្រាអែល បានបើកការវាយប្រហារមកលើប្រទេសស៊ីរី ជាញឹកញាប់ ប៉ុន្តែពួកគេមិនបានធ្វើអត្ថាធិប្បាយណាមួយ លើទង្វើដែលបានធ្វើនោះទេ៕