គ្រោះ​រញ្ជួយ​ដី​កម្រិត ៦.១ វ៉ិ​ច​ទ័​រ វាយប្រហារ​ជិត​តំបន់​ព្រំដែន​ឥណ្ឌា​-​មី​យ៉ាន់​ម៉ា​

ញូ​វ​ដេលី ​៖ គ្រោះ​រញ្ជួយ​ដី​កម្រិត ៦.១ វ៉ិ​ច​ទ័​រ ដែលមាន​ជម្រៅ​រាក់ និង​ខ្លាំង បាន​វាយប្រហារ​ជិត​តំបន់​ព្រំដែន​មី​យ៉ាន់​ម៉ា និង​ឥណ្ឌា នៅ​ថ្ងៃ​សុក្រ​នេះ ប៉ុន្តែ​ភ្លាមៗ មិនមាន​របាយការណ៍​បញ្ជាក់​អំពី​ការខូចខាត​នោះទេ​។​

យោងតាម​មជ្ឈមណ្ឌល​ជាតិ​នៃ​គ្រោះ​រញ្ជួយ​ដី​របស់​ប្រទេស​ឥណ្ឌាបាន​ឲ្យ​ដឹងថា គ្រោះ​រញ្ជួយ​ដី​នេះ​មាន​ជម្រៅ១២គីឡូម៉ែត្រ (៧.៥ ម៉ា​យ​) និង​មាន​ចម្ងាយ​ប្រហែល ១៤០ គីឡូម៉ែត្រ (៨៧ ម៉ា​យ​) ពី​តំបន់ Aizawl នៅ​ភាគ​ឦសាន​ប្រទេស​ឥណ្ឌា​។ អ្នករស់នៅ​តំបន់​ក្បែរ​នោះ បាន​និយាយថា គ្រោះ​រញ្ជួយ​ដី​នេះ​មាន​សភាព​រង្គើ​ខ្លាំង ដែល​ធ្វើ​ឲ្យ​ពួកគេ​មានការ​ភិតភ័យ​ចំពោះ​ហេតុការណ៍​នេះ​។​

គួរ​បញ្ជាក់ថា គ្រោះ​រញ្ជួយ​ដី​កម្រិត ៦.១ វ៉ិ​ច​ទ័​រ​នេះ បាន​វាយប្រហារ​នៅ​ភាគ​ឦសាន​ប្រទេស​ឥណ្ឌា និង​ទីក្រុង​សំខាន់ៗ​ផ្សេងទៀត​ក្នុងប្រទេស​បង់​ក្លា​ដែ​ស​ផងដែរ​៕