គីម ជុងអ៊ុន បង្ហាញពីការប្ដេជ្ញាចិត្តក្នុងការជំរុញសេដ្ឋកិច្ចកូរ៉េខាងជើង នៅឆ្នាំក្រោយ
ព្យុងយ៉ាង ៖ មេដឹកនាំកូរ៉េខាងជើង លោក គីម ជុងអ៊ុន បានថ្លែងថា ប្រទេសនេះត្រូវតែត្រៀមខ្លួន សម្រាប់ការតស៊ូដ៏ធំមួយ នៅឆ្នាំក្រោយនេះ ដើម្បីបន្តធ្វើឱ្យមានការរីកចម្រើនក្នុងវិស័យនានា រួមទាំងវិស័យការពារជាតិ កសិកម្ម និងសំណង់ នៅកូរ៉េខាងជើង។ នេះបើយោងតាមសេចក្ដីរាយការណ៍ពីប្រព័ន្ធផ្សព្វផ្សាយរដ្ឋកូរ៉េខាងជើង KCNA ។
ការលើកឡើងបែបនេះ បានកើតឡើងនៅឯកិច្ចប្រជុំនៃគណៈកម្មាធិការកណ្តាលនៃការិយាល័យនយោបាយរបស់គណបក្សកម្មករដែលកំពុងកាន់អំណាច ដោយបានសម្រេចចិត្តរៀបចំកិច្ចប្រជុំពេញអង្គនៃគណៈកម្មាធិការ នៅខែក្រោយនេះ។
គួរបញ្ជាក់ថា មកដល់ពេលនេះ កូរ៉េខាងជើង បាននឹងកំពុងស្វែងរកការជំរុញសេដ្ឋកិច្ច និងការផ្គត់ផ្គង់ថាមពលបន្ថែមទៀត ជាមួយនឹងផែនការរបស់ខ្លួន ប៉ុន្តែទីភ្នាក់ងារអង្គការសហប្រជាជាតិ (UN) បានឲ្យដឹងថា កង្វះខាតស្បៀងអាហារ និងអគ្គិសនីនៅតែជាកត្តា និងបញ្ហាចោទដដែលសម្រាប់ប្រទេសនេះ ដោយសារការដាក់ទណ្ឌកម្មលើកម្មវិធីនុយក្លេអ៊ែរ និងមីស៊ីលរបស់ពួកគេ គួបផ្សំនឹងជំងឺរាតត្បាតកូវីដ ១៩ និងគ្រោះមហន្តរាយធម្មជាតិផ្សេងៗ ផងដែរ៕