សហរដ្ឋអាមេរិកមានមនុស្សជាង១២០,០០០នាក់ទៀតឆ្លងកូវីដ-១៩ និងអ្នកជំងឺ១,៦៣៣នាក់ស្លាប់ក្នុង ១ថ្ងៃ

វ៉ាស៊ីនតោន ៖ តាមការដកស្រង់ទិន្នន័យចេញពីគេហទំព័រ Worldometers នាព្រឹកថ្ងៃព្រហស្បតិ៍ ទី០២ ខែធ្នូ ឆ្នាំ២០២១នេះបង្ហាញថា នៅក្នុងរយៈពេល ២៤ម៉ោងកន្លងទៅនេះ មនុស្សសរុប ១២០,៤៤១នាក់ទៀត បានឆ្លងជំងឺ COVID-19 ខណៈអ្នកជំងឺ ១,៦៣៣នាក់ បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។

ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៤៩,៥៧៣,១២២ករណី ក្នុងនោះមានអ្នកស្លាប់សរុបចំនួន ៨០៥,០០៤នាក់ និងជាសះស្បើយឡើងសរុប ៣៩.៣២លាននាក់៕