តំណែង​គ្រូ​បណ្ដោះអាសន្នរបស់ Carrick នៅ Man Utd ត្រូវបានបញ្ចប់ ក្រោយការមកដល់របស់លោក Rangnick

មេនឆេស្ទើ ៖ Michael Carrick និយាយថា​គាត់​នឹង​ចាក​ចេញពី​ក្លឹប​បិសាច​ក្រហ Manchester United បន្ទាប់ពី​បញ្ចប់​តំណែង​ធ្វើជា​គ្រូបង្វឹក​បណ្ដោះអាសន្ន​ ​។​ នេះ​បើ​យោងតាម​ប្រភពពី​សារព័ត៌មាន BBC​។​

Carrick បានប្រកាស​ពី​ការសម្រេចចិត្ត​របស់គាត់​ក្នុងការ​ចាកចេញ​ប៉ុន្មាន​នាទី​បន្ទាប់ពី​ការទទួល​ជ័យជម្នះ​៣-២​លើ Arsenal កាលពី​យ​បើ​មិញ ដែល​រុញ​ច្រោ​ន​ឲ្យ Man Utd ឡើង​ក្នុង​ចំណាត់ថ្នាក់​ទី ៧ ក្នុង​តារាង Permier League ។

Carrick បាន​និយាយថា​៖ «​បន្ទាប់ពី​គិត​និង​ពិចារណា​ជាច្រើន ខ្ញុំ​បាន​សម្រេចចិត្តថា ​ពេលនេះ​ជា​ពេលវេលា​ដ៏​ត្រឹមត្រូវ​សម្រាប់​ខ្ញុំ​ក្នុង​ការចាកចេញ​»​។ ចំណែក លោក Ralf Rangnick ត្រូវបានតែងតាំង​ជា​អ្នកចាត់ការ​បណ្តោះអាសន្ន​រហូតដល់​ចប់​រដូវ​កាល​។​

សូមជម្រាបថា Carrick បាន​រួមរស់​ជាមួយ​ម្ចាស់​ជើងឯក Premier League ២០​ សម័យកាល​រយៈពេល ១២ ឆ្នាំ​ក្នុងនាម​ជា​កីឡាករ និង បាន​ចូលកាន់​តំណែង​ជា​គ្រូបង្វឹក​បណ្ដោះអាសន្ន​បន្ទា​ប់​ពី​លោក Ole Gunnar Solskjaer ត្រូវបាន​បណ្តេញចេញ​កាលពី​ថ្ងៃទី ២១ ខែវិច្ឆិកា​៕