ម៉ាឡេស៊ី ជួប​វិបត្តិ​កីឡាករ​របួស​ជាច្រើន​នាក់​មុន​ជួប​គោព្រៃ​កម្ពុជា​

ម៉ាឡេស៊ី​ ៖ ​ក្រុម​ជម្រើសជាតិ​ម៉ាឡេស៊ី បានជួប​បញ្ហា​កីឡាករ​របួស​ជា​បន្តបន្ទាប់​មុន​ជួប ក្រុម​គោព្រៃ​កម្ពុជា នៅ​ថ្ងៃ​បើកឆាក AFF Suzuki Cup 2020 ដោយ​ក្នុង​រួមមាន​ទាំង​អ្នកចាំទី ខ្សែការពារ ខ្សែបម្រើ និង​ខ្សែប្រយុទ្ធ ហើយ​ខ្លះ​ជា​កីឡាករ​សំ​ខា​ថែមទៀត​។​

​លោក Tan Cheng Hoe គ្រូ​បង្គោល​ម៉ាឡេស៊ី​បាន​និយាយថា “​ពួកយើង​បាន​បាត់បង់​កីឡាករ ៥​នាក់ នៅ​ប៉ុន្មាន​ថ្ងៃមុន​ការប្រកួត AFF Cup​។ លោក​ថា ទោះជា​យ៉ាងណាក៏ដោយ​យើង​នៅតែមាន​ក្រុម​ដែលមាន​តុល្យ​ភាពល្អ​សម្រាប់​ការប្រកួត​។ លោក​បន្តថា កីឡាករ​ខ្លះ​ល្អ​គ្រប់គ្រាន់​ក្នុង​ការលេង​ក្នុងតួនាទី​ជាច្រើន​”​។ ​

​លោក​បាន​បញ្ជាក់ថា កីឡាករ​ដែល​របួស និង​ដកខ្លួន​រួមមាន ខ្សែប្រយុទ្ធ​ចូលសញ្ជាតិ Mohamadou Sumareh, ខ្សែប្រយុទ្ធ​កូនកាត់ Darren Lok, ខ្សែបម្រើ Akram Mahinan និង Kenny Pallraj, ខ្សែការពារ Fazly Mazlan និង​អ្នកចាំទី​ដៃ​ទី​៣ Azri Ghani ផងដែរ​។​

​គួរ​បញ្ជាក់ថា ក្រុម​ជម្រើសជាតិ​ម៉ាឡេស៊ី នឹង​ប៉ះ​ក្រុម​ជម្រើសជាតិ​កម្ពុជា​នៅ​ថ្ងៃទី​៦ ខែធ្នូ ឆ្នាំ​២០២១​ខាងមុខនេះ វេលា​ម៉ោង​៤:៣០ នាទី​រសៀល សម្រាប់​ជំនួប​បើកឆាក​ពូ​ល B នៃ​ពានរង្វាន់ AFF Suzuki Cup 2020 ដែល​ធ្វើឡើង​នៅ​ប្រទេស​សិង្ហ​បុរី​៕