រុស្ស៊ី អះអាងថា បានបំផ្លាញរថភ្លើងដែលដឹកគ្រាប់រំសេវជាង ២០០ តោន ទៅកាន់អ៊ុយក្រែន
ថ្ងៃចេញផ្សាយៈ ខែឧសភា 1, 2023
មូស្គូ៖ ក្រសួងការពារជាតិទីក្រុងមូស្គូ បានអះអាង កាលពីថ្ងៃអាទិត្យថា កងកម្លាំងរុស្ស៊ី បានបំផ្លាញរថភ្លើងអ៊ុយក្រែនដែលផ្ទុកគ្រាប់រំសេវដល់ទៅ ២០០ តោន។
ការបំផ្លាញនេះ ត្រូវបានគេរាយការណ៍ថា កើតឡើងនៅសាធារណរដ្ឋប្រជាមានិត Donetsk របស់រុស្ស៊ី ក្បែរក្រុង Kramatorsk ដែលស្ថិតក្រោមការគ្រប់គ្រងរបស់អ៊ុយក្រែន។
អ្នកនាំពាក្យក្រសួងលោកឧត្តមសេនីយឯក Igor Konashenkov បានប្រកាសក្នុងអំឡុងសន្និសីទសារព័ត៌មានថា យោធារុស្ស៊ី ក៏បាននឹងកំពុងវាយប្រហារយ៉ាងសកម្មទៅលើអង្គភាពកាំភ្លើងធំរបស់អ៊ុយក្រែនផងដែរ។
លោក Konashenkov បាននិយាយថា ក្នុងរយៈពេល ២៤ ម៉ោងកន្លងមកនេះ យន្តហោះយុទ្ធសាស្ត្រ កងទ័ព កាំជ្រួច និងកាំភ្លើងធំរបស់កងកម្លាំងប្រដាប់អាវុធរុស្ស៊ី បានវាយប្រហារកងកាំភ្លើងធំអ៊ុយក្រែនចំនួន ៨២ គ្រឿងក្នុងតំបន់ចំនួន ១១៥ ៕