ថ្ងៃនេះ ថៃបន្តរកឃើញអ្នកឆ្លងកូវីដ១៩ ចំនួន៤,០០០ករណីបន្ថែមទៀត និងស្លាប់២២នាក់
ថ្ងៃចេញផ្សាយៈ ខែធ្នូ 6, 2021
បាងកក ៖ ក្រសួងសុខភាពសាធារណៈថៃ នៅព្រឹកថ្ងៃចន្ទនេះបានប្រកាស រកឃើញករណីឆ្លងកូវីដ១៩ថ្មីចំនួន៤,០០០ករណីបន្ថែមទៀត និងអ្នកស្លាប់ថ្មីចំនួន២២នាក់ទៀតផងដែរ ក្នុងរយៈពេល២៤ម៉ោងចុងក្រោយនេះ ។
បើតាមក្រសួងសុខភាពសាធារណៈថៃ បញ្ជាក់ថា កាលពីថ្ងៃអាទិត្យម្សិលមិញអ្នកជំងឺកូវីដ១៩ចំនួន៦,៤៥០នាក់ត្រូវបានចាកចេញពីមន្ទីរពេទ្យបន្ទាប់ពីបានជាសះស្បើយពីវីរុសនេះ។
សូមជម្រាបថា ចាប់តាំងពីថ្ងៃទី ១ ខែមេសា នៅពេលដែលរលកទីបីនៃជំងឺកូវីដ១៩បានចាប់ផ្តើម ប្រទេសថៃមានជំងឺព្យាបាលចំនួន ២,១១៦,៣៧៨នាក់ ក្នុងនោះ ២,០២៧,៨៣៩ នាក់បានជាសះស្បើយ។ ចំណែកចំនួនអ្នកស្លាប់មាន ២០,៨៧២ នាក់ក្នុងអំឡុងពេលរលកទី៣ និង ២០,៩៦៦ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕