សមាជិក​ក្រុម​ជម្រើសជាតិ​ម៉ាឡេស៊ី​២​រូប វិជ្ជមាន​កូ​វីដ​១៩ មុន​ប៉ះ​កម្ពុជា រសៀល​នេះ​

បរទេស ៖ សមាជិក​ក្រុម​ជម្រើសជាតិ​ម៉ាឡេស៊ី​២​រូប បានធ្វើ​វិជ្ជមាន Covid-19 សម្រាប់​យុទ្ធនាការ​ការប្រកួត AFF Suzuki Cup 2020 នៅ​សិង្ហ​បុរី​។​ នេះបើយោងតាម​ប្រភពពី​សារព័ត៌មាន ASEAN FOOTBALL ។

​ប្រភពពី​ដដែល​បាន​ឲ្យ​ដឹងថា ខ្សែបម្រើ Faisal Halim និង​អ្នកចាំទី Khairulazhan Khalid បាន​វិជ្ជមាន Covid-19 ដូច្នេះ​កីឡាករ​ទាំងពីរ​នឹង​ត្រូវសម្រាក​ព្យាបាល​រយៈពេល​១០​ថ្ងៃ និង​ខកខាន​ការប្រកួត Group B ដំបូង របស់​ក្រុម​ជម្រើសជាតិ​ទល់នឹង​កម្ពុជា នៅ​ពហុ​កីឡដ្ឋាន Bishan នា​រសៀល​ថ្ងៃទី​៦ ខែធ្នូ ឆ្នាំ​២០២១​នេះ​៕