ស៊ីហ្គេម៖ កុំភ្លេចយប់នេះ នារីកម្ពុជា ប៉ះវៀតណាម ក្នុងវគ្គពាក់កណ្ដាលផ្ដាច់ព្រ័ត្រ
ថ្ងៃចេញផ្សាយៈ ខែឧសភា 12, 2023
ភ្នំពេញ ៖ នៅវេលាម៉ោង៧៖០០នាទីយប់នេះ ក្រុមជម្រើសជាតិនារីកម្ពុជា នឹងត្រូវប៉ះក្រុមជម្រើសជាតិនារីវៀតណាម នាពហុកីឡដ្ឋានជាតិអូឡាំពិក ក្នុងវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍ស៊ីហ្គេមលើកទី៣២ ដែលកម្ពុជា ធ្វើជាម្ចាស់ផ្ទះ។
គូសបញ្ជាក់ផងថា នេះជាប្រវត្តិសាស្ត្រលើកដំបូងរបស់ក្រុមបាល់ទាត់នារីកម្ពុជា នៃការឈានមកដល់វគ្គពាក់កណ្តាលផ្តាច់ព្រ័ត្រក្នុងវិញ្ញាសាបាល់ទាត់ សម្រាប់ព្រឹត្តិការណ៍កីឡាស៊ីហ្គេម ដោយបានចេញពីពូល B ក្រោយរកបាន ៦ពិន្ទុ, ហើយការប៉ះជាមួយវៀតណាម ជាការប្រកួតប្រជែងរកក្រុមឈ្នះឡើងវគ្គផ្តាច់ព្រ័ត្រ៕
