ថ្ងៃនេះ ថៃបន្តរកឃើញអ្នកឆ្លងកូវីដ១៩ ចំនួន៣,៥២៥ករណីទៀត និងស្លាប់៣១នាក់
ថ្ងៃចេញផ្សាយៈ ខែធ្នូ 7, 2021
បាងកក ៖ ក្រសួងសុខភាពសាធារណៈថៃ នៅព្រឹកថ្ងៃអង្គារនេះបានបន្តរកឃើញអ្នកឆ្លងជំងឺកូវីដ-១៩ថ្មីៗ ចំនួន៣.៥២៥ករណីបន្ថែមទៀត និងអ្នកស្លាប់ដោយសារជំងឺដ៏កាចសាហាវនេះចំនួន៣១នាក់ ទៀត ក្នុងរយៈពេល២៤ម៉ោងចុងក្រោយនេះ ។ នេះបើតាមសារព័ត៌មាន Bangkok post។
បើតាមក្រសួងសុខភាពសាធារណៈថៃបានគូសបញ្ជាក់ថា កាលពីថ្ងៃចន្ទម្សិលមិញ អ្នកជំងឺកូវីដ១៩ចំនួន ៦,១០៩ នាក់ត្រូវបានចាកចេញពីមន្ទីរពេទ្យ បន្ទាប់ពីបានជាសះស្បើយពីវីរុសនេះ។
សូមជម្រាបថា ចាប់តាំងពីជំងឺរាតត្បាតបានចាប់ផ្តើមនៅដើមឆ្នាំមុន មានករណីឆ្លងកូវិដ១៩ ចំនួន ២,១៤៨,៧៨៨ ករណី ខណៈករណីជាសះស្បើយពេញលេញចំនួន ២,០៦១,៣៧៤ មកទល់ពេលនេះ។ ចំណែកអ្នកស្លាប់មានចំនួន ២០,៩០៣នាក់ ក្នុងអំឡុងពេលរលកទី៣និង២០,៩៧៧ចាប់តាំងពីការចាប់ផ្តើមនៃជំងឺរាតត្បាតនេះ៕