ស៊ីហ្គេម ៖ វៀតណាមដណ្ដើមបានមេដាយមាស លើវិញ្ញាសាបាល់ទាត់នារី
ថ្ងៃចេញផ្សាយៈ ខែឧសភា 16, 2023
ភ្នំពេញ ៖ ការប្រកួតកីឡាស៊ីហ្គេមលើកទី៣២ លើវិញ្ញាសាបាល់ទាត់នារី បានបញ្ចប់ជាផ្លូវការហើយ កាលពីម្សិលមិញនៅពហុកីឡដ្ឋានជាតិអូឡាំពិក ដោយក្រុមជម្រើសជាតិនារីវៀតណាម ដណ្ដើមបានមេដាយមាស ក្រោយយកឈ្នះនារីមីយ៉ាន់ម៉ា ២-០ នៅវគ្គផ្ដាច់ព្រ័ត្រ។
លទ្ធផលនេះបានធ្វើឲ្យក្រុមនារី វៀតណាម បន្តដណ្ដើមមេដាយមាសស៊ីហ្គេមជាលើកទី៤ ជាប់ៗគ្នា និងលើកទី ៨ ក្នុងប្រវត្តិសាស្ត្រស៊ីហ្គេម។ ចំណែកក្រុមនារីមីយ៉ាន់ម៉ា ទទួលបានមេដាយប្រាក់។ ដោយឡែកលេខ៣ បានទៅលើក្រុមនារីថៃ ក្រោយយកឈ្នះលើក្រុមនារីកម្ពុជា ក្នុងលទ្ធផល ៦-0 កាលពីម្សិលមិញ នៅពហុកីឡដ្ឋានជាតិអូឡាំពិក៕