យប់នេះ! ឥណ្ឌូនេស៊ី ប៉ះថៃ ដណ្ដើមមេដាយមាស វិញ្ញាសាបាល់ទាត់បុរស
ថ្ងៃចេញផ្សាយៈ ខែឧសភា 16, 2023
ភ្នំពេញ ៖ ក្រុមជម្រើសជាតិឥណ្ឌូនេស៊ីក្រោមអាយុ២២ឆ្នាំ នឹងត្រូវប៉ះក្រុម U22 ថៃ ដើម្បីប្រជែងមេដាយមាស នៃព្រឹត្តិការណ៍ស៊ីហ្គេមលើកទី៣២ លើវិញ្ញាសាបាល់ទាត់បុរស ដែលនឹងធ្វើឡើងនៅពហុកីឡដ្ឋានជាតិអូឡាំពិក វេលាម៉ោង៧៖៣០នាទីយប់នេះ ខណៈវៀតណាម ប៉ះ មីយ៉ាន់ម៉ា យកមេដាយសំរឹទ្ធ នៅម៉ោង៤៖០០នាទីរសៀល។
មុនឡើងមកវគ្គនេះ ក្រុម U22 ឥណ្ឌូនេស៊ី បានយកឈ្នះលើក្រុមវៀតណាម ដោយលទ្ធផល ៣-២ ខណៈក្រុម U22 ថៃ បានយកឈ្នះលើក្រុមមីយ៉ាន់ម៉ា ក្នុងលទ្ធផល ៣-០ នៅវគ្គពាក់កណ្ដាលផ្ដាច់ព្រ័ត្រ កាលពីថ្ងៃទី១៤ ខែឧសភា ៕