បរទេស៖ ក្លិប​បាល់ទាត់ Chelsea ខិត​កាន់​ជិត​នឹងធ្វើ​ការតែងតាំង លោក Mauricio Pochettino ខណៈ​ពួកគេ​មានបំណង ចុះកិច្ចសន្យា​រយៈពេល​វែង ដើម្បី​ឲ្យ​លោក​ជំនួស​តំណែង លោក Graham Potter​។

ក្លិប Chelsea បាននិងកំពុង​ជជែក​ជាមួយ​បុរស​វ័យ ៥១​ឆ្នាំ ដែលជា​អតីត​អ្នកចាត់ការ​ក្លិប Tottenham និង Paris Saint-Germain បន្ទាប់ពី​លោក Potter បាន​ចាកចេញ​កាលពី​ខែ​មុន ប៉ុន្តែ​កិច្ចព្រមព្រៀង មិនទាន់​ធ្វើ​ឡើងជា​ផ្លូវការ​នៅឡើយ​។ លោក Frank Lampard ត្រូវបានតែងតាំង​ជា​អ្នកចាត់ការ​បណ្តោះអាសន្ន ចាប់តាំងពី​ក្រុម​បានឈ្នះ​ត្រឹមតែ​១​ប្រកួត ក្នុងចំណោម​៨​ប្រកួត​របស់​ពួកគេ​។​

​សូមជម្រាបថា Chelsea កំពុង​ឈរ​នៅ​ចំណាត់ថ្នាក់​ទី​១១ ក្នុង​តារាង Premier League ដោយមាន​៣​ប្រកួត​ទៀត ដែល​នៅសល់ ដោយ​ត្រូវ​ប្រកួត​ទល់នឹង​ក្រុម Manchester City, Manchester United និង​ក្រុម Newcastle៕