ថ្ងៃនេះ ​ថៃ​មាន​អ្នក​ឆ្លង​កូ​វីដ​១៩​ចំនួន​៤.១៩៣​ករណី​ទៀត​ និង​ស្លាប់​២៨​នាក់​

​បាងកក ៖ ក្រសួងសុខាភិបាល​ថៃ ​នៅ​ព្រឹក​ថ្ងៃ​សុក្រ​នេះ​បានប្រកាសរកឃើញអ្នក​ឆ្លង​ជំងឺ​កូ​វីដ​-១៩​ថ្មី​ចំនួន ៤,១៩៣​នាក់ និង​អ្នកស្លាប់​ថ្មី​ចំនួន២៨នាក់ទៀត ​ក្នុង​រយៈពេល ២៤ ម៉ោង​ចុង​ក្រោយនេះ​។​

​អាជ្ញាធរ​បាន​និយាយថា ក្នុងចំណោម​ករណី​ឆ្លង​ថ្មី​ទាំងអស់​ខាងលើ គឺមាន ៤,១៧២​ករណី​ជា​ប្រជាជន​ទូទៅ​និង​២១​ករណី​ទៀត​ជា​អ្នកទោស​នៅក្នុង​ពន្ធនាគារ​។​ដោយឡែក​កាលពី​ថ្ងៃ​ព្រហស្បតិ៍​ម្សិលមិញ អ្នកជំងឺ កូ​វីដ​១៩​ចំនួន​៧,៨៦៣​នាក់​ត្រូវបាន​ចាក​ចេញពី​មន្ទីរពេទ្យ​បន្ទាប់ពី​បានជា​សះស្បើយ​ពី​វីរុស​នេះ​។​

​សូមជម្រាបថា ចាប់តាំងពី​ជំងឺ​រាតត្បាត​បានចាប់ផ្តើម​កា​លពី​ដើម​ឆ្នាំមុន មាន​ករណី​ឆ្លង​កូ​វីដ​១៩​ចំនួន​២,១៦០,៧៨០​ករណី ក្នុងនោះ​អ្នកជា​សះស្បើយ​ចំនួន ២,០៨២,៩៥១​នាក់​។ ចំណែក​ចំនួន​អ្នក​ស្លាប់មាន​២១,០១៨​នាក់​ក្នុងអំឡុងពេល​រលក​ទី​៣ និង ២១,១១២​នាក់ ចាប់តាំងពី​ការចាប់ផ្តើម​នៃ​ជំងឺ​រាតត្បាត​នេះ​៕