​ថៃបន្តរកឃើញ​អ្នក​ឆ្លង​កូ​វីដ​១៩ ​ចំនួន​៣.៣៩៨​នាក់បន្ថែមទៀត ​និង​ស្លាប់​២៣​នាក់ក្នុងរបាយការណ៍ថ្ងៃនេះ​

​បាងកក ៖ ក្រសួងសុខាភិបាល​ថៃ​ ​នៅ​ព្រឹក​ថ្ងៃ​ចន្ទ​នេះបានប្រកាសបន្តរកឃើញអ្នកឆ្លងជំងឺកូវីដ-១៩​ថ្មីៗ​ចំនួន ៣,៣៩៨​ករណីបន្ថែមទៀត និង​អ្នកស្លាប់​ដោយសារ​ជំងឺដ៏កាចសាហាវនេះ​ចំនួន២៣នាក់​បន្ថែមទៀត ​ក្នុងរយៈពេល២៤ម៉ោង​ចុងក្រោយ​។​ នេះបើយោងតាមសារព័ត៌មាន Bangkok post។

​បើតាមក្រសួងសុខាភិបាល​ថៃបញ្ជាក់ថា អាត្រា​អ្នកស្លាប់​ដោយសារ​ជំងឺ​កូ​វីដ​១៩​មានការ​កើនឡើង​បើ​ប្រៀបធៀប​កាលពី​ថ្ងៃអាទិត្យ មាន​ចំនួន​២០ នាក់ និង​ករណី​ឆ្លង​ថ្មី​ចំនួន ៣.៧៨៧​ករណី​។ ដោយឡែក​កាលពី​ថ្ងៃអាទិត្យ​ម្សិលមិញ អ្នកជំងឺ​កូ​វីដ​១៩​ចំនួន ៥,៤៦៧ នាក់​ត្រូវបាន​ចាក​ចេញពី​មន្ទីរពេទ្យ​បន្ទាប់ពី​បានជា​សះស្បើយ​ពី​វីរុស​នេះ​។​

​សូមជម្រាបថា ចាប់តាំងពី​ជំងឺ​រាតត្បាត​បានចាប់ផ្តើម​នៅ​ដើមឆ្នាំ​មុន មាន​ករណី​ឆ្លង​កូ​វីដ​១៩​ចំនួន​២,១៧២,០៤៤​ករណី ក្នុងនោះ​អ្នកជា​សះស្បើយ​មាន​ចំនួន ២,១០១,៣២៦​នាក់​។ ​ចំណែក​ចំនួន​អ្នក​ស្លាប់មាន​២១,១០០ នាក់​ក្នុងអំឡុងពេល​រលក​ទី​៣ និង២១,១៩៤​នាក់​ចាប់តាំងពី​ការចាប់ផ្តើម​នៃ​ជំងឺ​រាតត្បាត​៕