Joshua Kimmich សម្តែងការ​សោកស្តាយ​ដែល​មិនបាន​ចាក់​វ៉ាក់សាំង​កូ​វីដ-​១៩

អាល្លឺម៉ង់ ៖ Joshua Kimmich ដែលជា​កីឡាករ​ឆ្នើម​របស់​ក្លឹប Bayern Munich និយាយថា​រូបនេះ សោកស្តាយ​ដែល​មិនបាន​ចាក់​វ៉ាក់សាំង​បន្ទាប់ពី​មាន​បញ្ហា​សួត​ដោយសារ​ជំងឺ​កូ​វីដ​១៩ ។​

​ខ្សែបម្រើ​សញ្ជាតិ​អាល្លឺម៉ង់ វ័យ២៦​ឆ្នាំ​ខាងលើនេះ បាន​តេស្ត​វិជ្ជមាន​នៃ​កូ​វីដ​-១៩ កាលពី​ខែ​មុន និង​ត្រូវ​អវត្តមាន​រហូតដល់​ដាច់​ឆ្នាំ​២០២១ នេះ​ផងដែរ​។​

​ជុំវិញ​បញ្ហា​នេះ Kimmich បាន​ថ្លែងប្រាប់​ទូរទស្សន៍ ZDF ថា «​វា​ពិតជា​លំបាក​ណាស់​សម្រាប់​ខ្ញុំ ក្នុងការ​សម្រេចចិត្ត​ទទួល​វ៉ាក់សាំង ដ្បិត​រហូតមក​ទល់នឹង​ពេលនេះ គឺ​យូរ​មកហើយ​ដែរ​»​។​

​យ៉ាងណាមិញ​មកដល់ពេលនេះ Kimmich គឺមាន​គម្រោង​ទទួលយក​វ៉ាក់សាំង​ហើយ និង​លើកឡើងថា «​នោះ​គឺជា​សម្រេចចិត្ត​ដ៏​ត្រឹមត្រូវ​ថែម​ទៀតផង ក៏​ព្រោះតែ​លោក​ជា​កីឡាករ​អាជីព និង​ជាម​នុស្ស​សាធារណៈ​មួយរូប និង​ចូលរួម​កាត់បន្ថយ​នៃ​ការ​ចម្លងជំងឺ​កូ​វីដ​-១៩ ថែមទៀត​ដែរ​»៕