ថ្ងៃនេះ ​ថៃមាន​អ្នក​ឆ្លង​កូ​វីដ​១៩​ចំនួន​២,៨៦២​ករណី ​និង​ស្លាប់​៣៧​នាក់​ទៀត​

​បាងកក ៖ ក្រសួងសុខាភិបាល​ថៃបានប្រកាស​នៅ​ព្រឹក​ថ្ងៃ​អង្គារ​នេះ​ថា បន្តរកឃើញករណី​ឆ្លង​ជំងឺកូវីដ-១៩ ថ្មី​ៗ ចំនួន​២,៨៦២​ករណី​បន្ថែមទៀត និងអ្នកស្លាប់​​ចំនួន៣៧នាក់​ទៀត​ក្នុងរយៈពេល២៤ម៉ោង​ចុង​ក្រោយនេះ​។​

​បើតាមក្រសួងសុខាភិបាល​ថៃបញ្ជាក់ថា ​នៅ​ថ្ងៃ​ច័ន្ទ​ម្សិលមិញ អ្នកជំងឺ​កូ​វីដ​១៩​ចំនួន​៤,៨១៨​នាក់​ត្រូវបាន​ចាក​ចេញពី​មន្ទីរពេទ្យ​បន្ទាប់ពី​បានជា​សះស្បើយ​ពី​វីរុស​នេះ​។​

​សូមជម្រាបថា ចាប់តាំងពី​ជំងឺ​រាតត្បាត​បានចាប់ផ្តើម​នៅ​ដើមឆ្នាំ​មុន មាន​ករណី​ឆ្លង​កូ​វីដ​១៩​ចំនួន ២,១៧៤,៩០៦​ករណី ក្នុងនោះ​ករណី​ជាសះស្បើយ​មាន​ចំនួន ២,១០៦,១៤៤​នាក់​។ ចំណែក​អ្នក​ស្លាប់មាន​ចំនួន​២១,១៣៧​នាក់​ក្នុងអំឡុងពេល​រលក​ទី​បី និង ២១,២៣១​នាក់ ចាប់តាំងពី​ការចាប់ផ្តើម​នៃ​ជំងឺ​រាតត្បាត​។៕