Premier League រកឃើញករណីឆ្លងកូវីដ១៩ ច្រើនបំផុតមិនធ្លាប់មាន គិតចាប់ពីខែមករា
អង់គ្លេស ៖ កីឡាករ និងបុគ្គលិកនៅក្នុងក្របខណ្ឌលីកកំពូលអង់គ្លេស Premier League ចំនួន៤២នាក់បានធ្វើតេស្តវិជ្ជមានកូវីដ១៩ ក្នុងសប្តាហ៍មុន ដែលជាកំណត់ត្រាច្រើនបំផុតនៅក្នុងលីកក្នុងរយៈពេល៧ថ្ងៃ។ នេះជាតួលេខខ្ពស់បំផុតចាប់តាំងពីខែមករា ឆ្នាំ២០២១ មកដែលមានតែ៤០ករណីប៉ុណ្ណោះ។
ចំនួនកីឡាករប្រមាណ ២២៩៥នាក់ត្រូវបានធ្វើតេស្តក្នុងសប្តាហ៍នេះ នៅពេលដែលចំនួន៣៨០៥នាក់ត្រូវបានធ្វើតេស្តរួចរាល់កាលសប្តាហ៍មុនចាប់ពីថ្ងៃទី០៦-១២ ខែធ្នូ ដែលរកឃើញវិជ្ជមាន ៤២ករណីមានទាំងកីឡាករ និងបុគ្គលិកក្លិប Brighton, Tottenham, Leicester, Manchester United, Aston Villa និង Norwich ដែលធ្វើឲ្យជំនួបរវាង Man Utd ទល់នឹង Brighton ស្ថិតក្នុងមន្ទិលផងដែរ។
ដោយឡែកការប្រកួតរវាង Brighton និង Tottenham កាលពីថ្ងៃអាទិត្យក៏ត្រូវបានពន្យារពេលផងដែរបន្ទាប់ពីការផ្ទុះឡើងនៃជំងឺកូវីដ១៩ នៅ Spurs ៕