ថ្ងៃនេះ ​ថៃមាន​អ្នក​ឆ្លង​កូ​វីដ​១៩​ចំនួន​៣,៦៨៤​ករណី ​និង​ស្លាប់​២៦​នាក់​ទៀត​

បាងកក ៖ ក្រសួងសុខាភិបាល​ថៃ​ នៅ​ព្រឹក​ថ្ងៃ​ព្រហស្បតិ៍​នេះបានប្រកាសពីការបន្តរកឃើញ​ករណី​ឆ្លង​ថ្មី​ចំនួន ៣,៦៨៤​ករណីបន្ថែមទៀត​ ​និងអ្នកស្លាប់​ថ្មីដោយសារ​ជំងឺ​ដ៏កាចសាហវា​ចំនួន២៦នាក់​ទៀត​ក្នុងរយៈពេល២៤ម៉ោង​ចុង​ក្រោយនេះ​។​

​បើតាមក្រសួងសុខាភិបាល​ថៃបញ្ជាក់ថា ចំនួន​អ្នកស្លាប់​ការធ្លាក់ចុះ បើ​ប្រៀបធៀប​កាលពី​ថ្ងៃ​ពុធ​មាន​ចំនួន​២៩​នាក់ ខណៈ​ករណី​ឆ្លង​ថ្មី​មានការ​កើនឡើង​ដែល​រាយការណ៍​កាលពី​ព្រឹក​ថ្ងៃ​ពុធ មាន​ចំនួន​៣.៣៧០​ករណី ។ ​ដោយឡែក​កាលពី​ថ្ងៃ​ពុធ​ម្សិលមិញ អ្នកជំងឺ​កូ​វីដ​១៩​ចំនួន​៤,៥៣១​នាក់​ត្រូវបាន​ចាក​ចេញពី​មន្ទីរពេទ្យ​បន្ទាប់ពី​បានជា​សះស្បើយ​ពី​វីរុស​នេះ​។​

​សូមជម្រាបថា ចាប់តាំងពី​ជំងឺ​រាតត្បាត​បាន​ផ្ទុះឡើង​នៅ​ដើម​ឆ្នាំមុន មាន​ករណី​ឆ្លង​ចំនួន ២,១៨១,៩៦០​ករណី ក្នុងនោះ​ជាសះស្បើយ​មាន​ចំនួន ២,១១៥,២៣២​នាក់​។​ចំនួន​អ្នក​ស្លាប់មាន​២១,១៩២​នាក់​ក្នុងអំឡុងពេល​រលក​ទី​បី និង ២១,២៨៦​នាក់​ចាប់តាំងពី​ការចាប់ផ្តើម​នៃ​ជំងឺ​រាតត្បាត​៕