ជន​ចំណាកស្រុក​ឥណ្ឌូណេស៊ី​១១​នាក់​ស្លាប់​ និង​រាប់សិប​នាក់​បាត់​ខ្លួន ករណីលិច​ទូក​​នៅ​ម៉ាឡេស៊ី​

ម៉ាឡេស៊ី ៖ អាជ្ញាធរ​បាន​និយាយថា យ៉ាងហោចណាស់​ជន​ចំណាកស្រុក​ឥណ្ឌូណេស៊ី១១​នាក់​បាន​ស្លាប់ និង​ជាច្រើន​នាក់​ទៀត​ត្រូវបាន​គេ​ជឿថា​ កំពុង​បាត់​ខ្លួន បន្ទាប់ពី​ទូក​មួយ​បាន​ក្រឡាប់​លិច​កាលពី​ថ្ងៃ​ពុធ អំឡុងពេល​មាន​ព្យុះ​នៅ​ភាគខាងត្បូង​ប្រទេសម៉ាឡេស៊ី​។​

​អាជ្ញាធរ​និយាយថា ទូក​ដែល​ត្រូវបាន​គេ​ជឿថា ដឹក​ជន​ចំណាកស្រុក​ចំនួន៥០នាក់​បាន​លិច​នៅពេល​ព្រឹក​ជិត​រដ្ឋ Johor ភាគខាងត្បូង​ប្រទេស​ម៉ាឡេស៊ី​។ មនុស្ស១៤នាក់​ផ្សេងទៀត​នៅលើ​ទូក​ត្រូវបាន​ជួយសង្គ្រោះ ខណៈ​២៥​នាក់​ទៀត​នៅតែ​បាត់​ខ្លួន​។

​អ្នក​បាត់​ខ្លួន​ទាំងអស់ ត្រូវបាន​គេ​ជឿថា​បាន​ហែល​ទៅរក​កន្លែង​លាក់ខ្លួន ឬ​លង់ទឹក​ស្លាប់ ហើយ​អាជ្ញាធរ​បានដាក់​ពង្រាយ​ទូក និង​យន្តហោះ​ដើម្បី​តាម​ប្រមាញ់​ពួកគេ​៕