Man Utd នឹង​តែងតាំង​លោក Richard Arnold ជា​នាយក​ប្រតិបត្តិ​ថ្មី

មេនឆេស្ទើ ៖ សារព័ត៌មាន Sky News បាន​រាយការណ៍​កាលពី​ថ្ងៃ​ចន្ទ​ថា Manchester United នឹង​តែងតាំង​នាយក​គ្រប់គ្រង​លោក Richard Arnold ជា​នាយក​ប្រតិបត្តិ​ថ្មី​របស់ខ្លួន​នៅ​ប៉ុន្មាន​ថ្ងៃ​ខាងមុខនេះ ដោយ​ជំនួស​តំណែង​អនុប្រធាន​ប្រតិបត្តិ​លោក Ed Woodward ។​
​ក្លឹប​ដែល​លេង​នៅ Premier League ដែល​មិនមាន​នាយក​ប្រតិបត្តិ​ចាប់តាំងពី​ការចាកចេញ​របស់លោក David Gill ក្នុង​ឆ្នាំ ២០១៣​មក​។​ការតែងតាំង​នេះ​នឹង​បង្ហាញ​ពី​ការផ្លាស់ប្តូរ​ដ៏​ធំ​ជា​លើក​ទី​២ នៅក្នុង​រយៈពេល​ប៉ុន្មាន​ខែ​នេះ​សម្រាប់​ក្លិប​បិសាច​ក្រហម បន្ទាប់ពី​ខ្លួន​បាន​ផ្លាស់ប្តូរ​អ្នកចាត់ការ Ole Gunnar Solskjaer កាលពី​ខែ​មុន​។​

​លោក Arnold ធ្លាប់ជា​នាយក​ផ្នែក​ពាណិជ្ជកម្ម​របស់​ក្លិប​រហូតដល់​ឆ្នាំ​២០១៣​។ ការតែងតាំង​របស់លោក នឹងត្រូវ​អមដោយ​ការផ្លាស់ប្តូរ​មន្ត្រី​មួយចំនួន ជា​ផ្លូវ​ដែល​ក្រុមហ៊ុន​កំពុងដំណើរការ​៕