អង់គ្លេស អះអាងថា Omicron បង្ក​ហានិភ័យ​ទាប បើ​ធៀប​ទៅនឹង​វីរុស Delta ​

ឡុង​ដ៍​ ៖ ទីភ្នាក់ងារ​សុខភាព​សាធារណៈ​របស់​ចក្រភព​អង់គ្លេសបាន​ឲ្យ​ដឹងថា ទិន្នន័យបឋម​មួយ​បាន​បង្ហាញថា​អ្នកជំងឺ Omicron គឺមាន​អត្រា​នៃ​ជំងឺ​ធ្ងន់ធ្ងរ និង​ចូល​មន្ទីរពេទ្យត្រឹមតែ​ចន្លោះ​ពី៥០ទៅ៧០ ភាគរយ បើ​ធៀប​ទៅនឹង​វីរុស Delta ។​

ការរកឃើញ​របស់​ទីភ្នាក់ងារ​សន្តិសុខ​សុខភាព​ចក្រភព​អង់គ្លេស ដែល​បានចេញ​ផ្សាយ កាលពី​ថ្ងៃ​ព្រហស្បតិ៍ ដោយ​បន្ថែម​លើ​ភស្តុតាង​ថ្មីៗ​ដែលថា​វីរុស Omicron បង្ក​ហានិភ័យ​នៃ​ជំងឺ​ស្រាល​ជាង​ប្រភេទ​ផ្សេងៗ ប៉ុន្តែ​ក៏​ឆ្លង​រីក​រាលដាល​លឿន​ជាង និង​អាច​ធន់​ជាមួយ​វ៉ាក់សាំង​ជាង​វីរុស​ផ្សេងៗ​ផងដែរ​។​ ទីភ្នាក់ងារ​ដដែល បាន​បញ្ជាក់ថា ទិន្នន័យ​នេះ​នៅ​មិនទាន់​ប្រាកដប្រជា​នៅឡើយ​នោះទេ ព្រោះ​អ្នកជំងឺ Omicron ភាគច្រើន​មាន​វ័យក្មេងៗ ដែល​ធ្វើ​ឲ្យ​ទីភ្នាក់ងារ​ពិបាក​នឹង​សន្និដ្ឋានថា​វា​អាច​បង្ក​ជា​គ្រោះថ្នាក់​ដល់​កម្រិតណា​លើ​អ្នកជំងឺ​ដែលមាន​វ័យ​ចំណាស់​ជាង​នេះ​។​

សូមជម្រាបថា គិត​ត្រឹម​ថ្ងៃទី ២០ ខែធ្នូ អង់គ្លេស​រកឃើញ​អ្នក​វិជ្ជមាន​វីរុស Omicron ចំនួន ១៣២ នាក់ ហើយ​អាយុ​ចន្លោះ​ពី ៥២ ទៅ ៩៦ ឆ្នាំ ស្លាប់​ផងដែរ​៕