ខេត្តបន្ទាយមានជ័យមានបេក្ខជនប្រទ្បងបាក់ឌុប ចំនួន៤.៩៤៧នាក់
ខេត្តបន្ទាយមានជ័យ ៖ នៅព្រឹក ថ្ងៃទី ២៧ ឆ្នាំ ២០២១ នេះកនៅខេត្តបន្ទាយមានជ័យ សិស្សប្រឡងសញ្ញាបត្រទុតិយភូមិមានចំនួន៤.៩៤៧នាក់ ហើយបាននាំគ្នាចូលបន្ទប់ប្រឡងដោយ មានសភាពស្ងប់ស្ងាត់ល្អជាងឆ្នាំមុនៗក្នុងនោះក៏មានការពិនិត្យកំដៅសិស្សមុននឹងចូលបន្ទប់ប្រឡងផងដែរ។
ជាក់ស្តែងនៅមណ្ឌលប្រឡងវិទ្យាល័យអូរអំបិលចាប់ពីម៉ោង៧ព្រឹកគេសង្កេតឃើញមានសិស្សានុសិស្សដែលមានឈ្មោះប្រឡងនេះចូលកាន់បន្ទប់ប្រឡងរៀងៗខ្លួនដោយគ្មានភាពរញ៉េរញ៉ៃដូចឆ្នាំមុនឡើយព្រោះសិស្សានុសិស្សមានការយល់ដឹងអំពីវិន័យក្នុងការប្រឡងគ្រប់គ្នាសិស្សពេលដើរចូលទៅតាមខ្លោងទ្វារដោយមានអនុរ័ក្សចាំឆែកឆេហើយរកមិនឃើញប្រុយយ៉ុងដាក់ជាប់នៅក្នុងខ្លួនសិស្សឡើយ។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានចូលរួមបើកវិញ្ញាសាប្រឡង លោក ហ៊ីល រ៉ាយ៉ា អភិបាលក្រុងសិរីសោភ័ណ លោក ឈូ ប៊ុនរឿង ប្រធានមន្ទីរអប់រំខេត្តបន្ទាយមានជ័យ ភ្នាក់ងារប្រឆាំងអំពើពុករលួយ និងលោកគ្រូអ្នកគ្រូជាច្រើននាក់ទៀតបានចូលរួមពិនិត្យស្ថានភាពទូទៅរបស់បេក្ខជន និងមណ្ឌលប្រទ្បងផងដែរ។
លោក ឈូ ប៊ុនរឿង បានបញ្ជាក់ឲ្យដឹងទៀតថា ការប្រឡងបាក់ឌុបឆ្នាំនេះមានចំនួនមានបេក្ខជនក្នុងបញ្ជីឈ្មោះ សរុប មានចំនួនមណ្ឌល៧ ក្នុងនោះមាន មណ្ឌល ១/សិរីសោភ័ណ ២/សម្តេចឪ ៣/សាលាបឋមសិក្សាហ៊ុនសែនសូភី ៤/សាកលវិទ្យាល័យ UME ៥/វិទ្យាល័យ ហ៊ុន សែន ខ្លាកូន ៦/ វិទ្យាល័យអូរអំបិល ៧/សាកលវិទ្យាល័យមានជ័យ និងមានបន្ទប់ប្រឡងចំនួន១៩៩ និងបេក្ខជនប្រឡងមានចំនួន៤.៩៤៧នាក់ ក្នុងនោះមានបេក្ខជនបំពេញវិជ្ជាសរុប ៤១១នាក់ ស្រី៩៧នាក់ បេក្ខជនស្វយ័រិនមានចំនួន២៧២នាក់ ស្រី១០៦នាក់៕ ដោយ ៖ កំសត់