Premier League ប្រកាស​ផ្អាក​ការប្រកួត​ចំនួន​២​ទៀត​នៅ​យប់​នេះ​

អង់គ្លេស ៖ ក្របខណ្ឌ Premier League បាន​ប្រកាសផ្អាក​ការប្រកួត​ចំនួន​២​ប្រកួត​ទៀត​នៅ​យប់​នេះ បន្ទាប់ពី​បន្ត​កើតឡើង​នៃ​ករណី​វិជ្ជមាន​កូ​វីដ​១៩ បានធ្វើ​ឲ្យ​ប៉ះពាល់​ការប្រកួត​ជើង​ទី​២ នៅ​អំឡុងពេល​ថ្ងៃ​ឈប់សម្រាក​បុណ្យ Christmas ។​

​ការប្រកួត​រវាង​ក្រុម Leeds United និង Aston Villa និង​ការប្រកួត​រវាង​ក្រុម Arsenal និង Wolverhampton បាន​ក្លាយជា​ជនរងគ្រោះ ដោយសារតែ​វី​រ៉ុ​ស​ឆ្លង​ជាស​កល​នេះ ជាមួយនឹង​ក្រុម Leeds និង Wolves បាន​រង​ផលប៉ះពាល់​ខ្លាំងជាងគេ​។​

​បើទោះបីជា មិនទាន់​ត្រូវបាន​ពន្យារពេល នាពេលនេះ​ក៏ដោយ​, ការប្រកួត​ធ្វើជា​ម្ចាស់ផ្ទះ​របស់​ក្រុម Crystal Palace ប៉ះ​នឹង​ក្រុម​ភ្ញៀវ Norwich City ក៏​ស្ថិតនៅក្នុង​គ្រោះថ្នាក់​ផងដែរ ជាមួយនឹង​ក្រុម Palace មាន​កីឡាករ​ក្រុម​ជម្រើស​ដំបូង តែ​៧​នាក់​ប៉ុណ្ណោះ ហើយ​គ្រូបង្វឹក Patrick Viera នឹង​ខកខាន​ការប្រកួត នៅ​ថ្ងៃ​ឈប់សម្រាក Boxing Day ដែល​ត្រូវ​ប៉ះ​ក្រុម​ម្ចាស់ផ្ទះ Tottenham Hotspur៕