ចិនបិទខ្ទប់ទីក្រុងមួយ ក្រោយរកឃើញករណីឆ្លងកូវីដបន្តបន្ទាប់
ប៉េកាំង ៖ រដ្ឋាភិបាលចិន នៅថ្ងៃអង្គារនេះ បានសម្រេចបិទខ្ទប់ទីក្រុង យូចូវ ដែលមានប្រជាជនរស់នៅប្រមាណ ១.១៧ លាននាក់ ភាគកណ្ដាលប្រទេសចិន បន្ទាប់ពីរកឃើញករណីឆ្លងនៃជំងឺកូវីដ ១៩ គ្មានរោគសញ្ញាចំនួន ៣ ករណី។
ខេត្តហឺណាន ក្នុងទីក្រុង យូចូវ កាលពីថ្ងៃច័ន្ទ ក៏បានប្រកាសបិទខ្ទប់ផងដែរ ដោយហាមប្រជាជនទាំងអស់ មិនត្រូវចេញពីផ្ទះ បើគ្មានការចាំបាច់ ដើម្បីទប់ស្កាត់ការឆ្លងនៃវីរុសកូវីដ ១៩ ។ ទន្ទឹមនោះ អាជ្ញាធរនៅតាមតំបន់នានា ក៏ត្រូវបានបញ្ជាឲ្យរឹតបន្តឹងវិធានការសុខាភិបាល ទប់ស្កាត់ និងគ្រប់គ្រងលើច្រកចេញចូលផងដែរ។
គួរបញ្ជាក់ថា នៅថ្ងៃអង្គារនេះ ប្រទេសចិន បានរាយការណ៍ពីករណីឆ្លងជំងឺកូវីដ ១៩ ចំនួន ១៧៥ ករណី ក្នុងនោះ ៥ ករណីត្រូវបានរកឃើញក្នុងខេត្ត ហឺណាន ទីក្រុង យូចូវ ខណ ១៧០ ករណី ត្រូវបានរកឃើញនៅក្នុងទីក្រុង ស៊ីអាន ដែលកំពុងស្ថិតនៅក្នុងការបិទខ្ទប់អស់រយៈពេល ១ សប្តាហ៍ជាងមកហើយ៕