លី​គ​កំពូល​កម្ពុជាឆ្នាំនេះ មាន​តែក្លិប​៨ប៉ុណ្ណោះ​ចូលរួម ដែលនឹង​ចាប់ផ្តើម​ប្រកួត​នៅ​ខែមីនា​

ភ្នំពេញ ៖ យោង​ប្រភព​ក្រុមហ៊ុន​លី​គ​កម្ពុជា បានឱ្យដឹងថា​ការប្រកួត​លី​គ​កំពូល​កម្ពុជា នឹង​ចាប់ផ្តើម​ប្រកួត​នៅ​ថ្ងៃទី​៥ ខែមីនា ឆ្នាំ​២០២២​ខាងមុខនេះ​ជាមួយនឹង​៨​ក្លិប​។​

​ក្លិប​ទាំង​៨​នោះ​រួមមាន ៖ ភ្នំពេញ​ក្រោ​ន ព្រះខ័ន​រាជ​ស្វាយរៀង វិសាខា បឹងកេត ណា​ហ្កា​វើ​លដ៍ អង្គ​រថា​យ​ហ្គឺ​រ កងយោធពល​ខេមរភូមិន្ទ នឹង​គីរីវង់​សុខ​សែន​ជ័យ​។ ចំណែកនគរបាលជាតិ អាស៊ី​អឺរ៉ុប អគ្គិសនី​កម្ពុជា ព្រៃវែង និង​សូល​ទី​ឡូ​អង្គរត្រូវ​លេង​លី​គ​២​ដែលមាន​១២​ក្លិប​ចូលរួម។​

​សូមជម្រាបថា ការកែប្រែ​នេះ ក្នុង​គោលដៅ​ធ្វើ​ឲ្យ​លី​គ​បាល់ទាត់​កម្ពុជា​កាន់តែ​មាន​លក្ខណៈ​ស្ដង់ដារ​អន្តរជាតិ និងរួមចំណែក​ទៅ​ជោគជ័យ​នៅ​ស៊ី​ហ្គេម ឆ្នាំ ២០២៣ ពេល​កម្ពុជា​ទទួល​ជា​ម្ចាស់ផ្ទះ​លើកដំបូង​៕