អូស្ត្រាលី​ប្រឈមមុខ​នឹង​ការខ្វះខាត​ឧ​បករ​ណ៍តេស្ត​រហ័សរ​កកូ​វីដ ខណៈកំពុង​ទប់ស្កាត់ Omicron ​

ស៊ីដនី ​៖ ប្រទេស​អូស្ត្រាលី កំពុង​ប្រឈមមុខ​នឹង​ការខ្វះខាត​ឧបករណ៍​ធ្វើតេស្ត​អង់​ទី​ហ្សែ​ន​រហ័សរ​កកូ​វីដ ១៩ នៅតាម​ផ្ទះ ខណៈ​អាជ្ញាធរ អំពាវនាវ​ឲ្យ​ទៅធ្វើ​តេស្ត​នៅ​មជ្ឈមណ្ឌល​ធ្វើតេស្ត​ដែល​ផ្តល់​មូលនិធិ​ដោយ​រដ្ឋាភិបាល​។​

នាយករដ្ឋមន្ត្រី​អូស្ត្រាលី​លោក Scott Morrison នៅ​ថ្ងៃ​ច័ន្ទ​នេះ បាន​និយាយថា កង្វះខាត​នៃ​ឧ​បករ​ណ៍​ធ្វើតេស្ត​អង់​ទី​ហ្សែ​ន​រហ័សរ​កកូ​វីដ ១៩ នៅតាម​ផ្ទះ​គឺ​មិន​ប្លែក​នោះទេ សម្រាប់​ប្រទេស​នេះ ស្រប​ពេលដែល​អាជ្ញាធរ កំពុង​ទប់ស្កាត់​ការកើនឡើង​នៃ​ករណី​ឆ្លង​ជំងឺ​កូ​វីដ ១៩ ដែល​បង្កឡើង ដោយ​វីរុស Omicron ។​

លោកបន្តថា នេះ​មិនមែនជា​អ្វីដែល​ប្លែក សម្រាប់​ប្រទេស​អូស្ត្រាលី ដែល​កំពុង​ជួបប្រទះ​នោះទេ ខណដែល ការខ្វះខាត​នូវ​ឧ​បករ​ណ៌​ធ្វើតេស្ត​អង់​ទី​ហ្សែ​ន​រហ័សរ​កកូ​វីដ ១៩ បានកើត​មាននៅ​ជុំវិញ​ពិភពលោក​។​

ត្រឹមតែ​រយៈពេល២សប្តាហ៍​ចុងក្រោយ​អូស្ត្រាលី រកឃើញ​ករណី​ឆ្លង​កូ​វីដ១៩ ជិត ១.៣ លាន​ករណី ដែលជា​ចំនួន​ច្រើន​លើសលប់ សម្រាប់​ប្រទេស ប៉ុន្តែ​នៅ​ថ្ងៃ​ចន្ទ​នេះ ករណី​ឆ្លង​បាន​ធ្លាក់ចុះ​ក្នុង​រដ្ឋ New South Wales និង Victoria ជា​រដ្ឋ​ដែលមាន​ប្រជាជន​ច្រើន​បំផុត​របស់ អូស្ត្រាលី​ស្របពេល Omicron កំពុង​រីក​រាលដាល​កាន់តែ​ច្រើនឡើងៗ ។

សូមជម្រាបថា ករណី​ឆ្លង​កូ​វីដ ១៩ សរុប​ចំនួន ៥២,៩៧០ ករណី ត្រូវបាន​រាយការណ៍​នៅ​ចន្លោះ​រដ្ឋ New South Wales, Victoria និង Tasmania គិត​ត្រឹម​ថ្ងៃ​ច័ន្ទ​នេះ ជាមួយ​រដ្ឋ​ផ្សេងទៀត​៕