ប្រធាន​ក្រុមហ៊ុន​លី​គ​បាល់ទាត់​កម្ពុជា​នឹង​មកដល់​កម្ពុជា​នៅ​ចុងខែ​នេះ​

ភ្នំពេញ ៖ លោក Satoshi Saito ប្រធាន​ក្រុមហ៊ុន​លី​គ​បាល់ទាត់​កម្ពុជា នឹង​មកដល់​កម្ពុជា នា​ថ្ងៃទី​២៦ ខែតុលា​ខាងមុខនេះ​។ នេះ​បើ​យោង​បទសម្ភាសន៍​តាម Zoom ដល់​អ្នកសារព័ត៌មាន​នា​ល្ងាច​ថ្ងៃទី ២១ តុលា ពី​ប្រទេស​ជប៉ុន​។​

​គួររំលឹកថា​លោក Satoshi Saito ត្រូវបាន​គណៈកម្មាធិកា​រ​ប្រតិបត្តិ​សហព័ន្ធ​កីឡាបាល់ទាត់​កម្ពុជា​ប្រកាស​តែងតាំង​ជា នាយក​ប្រតិបត្តិ​ក្រុមហ៊ុន​លី​គ​បាល់ទាត់​កម្ពុជា​កាល​ថ្ងៃទី ១៤ តុលា កន្លងទៅ​ដើម្បី​ជម្រុញ​បន្ថែម​នូវ​វឌ្ឍនភាព និង​ភាព​អាជីព​នៃ​លី​គ​កំពូល​កម្ពុជា​ឈាន​ទៅមុខ​មួយកម្រិត​ទៀត​។​

​សូមជម្រាបថា មុន​ការតែងតាំង​ជា​ប្រធាន​ក្រុមហ៊ុន​លី​គ​បាល់ទាត់​កម្ពុជា លោក​ធ្លាប់​ធ្វើជា​ប្រធាន​គ្រប់គ្រង​ទីផ្សារ​អន្តរជាតិ​របស់​ក្លិប​កំពូល​អេ​ស្ប៉ា​ញ Barcelona ពី​ឆ្នាំ​២០០៤ ដល់​ឆ្នាំ​២០០៦ បន្ទាប់​មកជា​មន្ត្រី​ទីផ្សារ និង​ទីប្រឹក្សា​សហព័ន្ធ​កីឡាបាល់ទាត់​អន្តរជាតិ (FIFA) រួមទាំង​តួនាទី​ជា​នាយក​ទីផ្សា​សហព័ន្ធ​កីឡាបាល់ទាត់​អាស៊ី (AFC) ពី​ឆ្នាំ​២០០៩ ដល់​ឆ្នាំ​២០១២ ផងដែរ​៕