ឯកឧត្តម ខៀវ កាញារីទ្ធ ៖ ប្រទេសដែលធ្លាប់ប្រដៅខ្មែរឲ្យគោរពសិទ្ធិបញ្ចេញមតិ និងសេរីភាពសារពត៌មាន ប្រញាប់ប្រញាល់បិទអស់សារពត៌មានដែលគេយល់ថាគាំទ្ររុស្ស៊ី
ថ្ងៃចេញផ្សាយៈ ខែកុម្ភៈ 28, 2022
ភ្នំពេញ ៖ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅថ្ងៃទី២៨ ខែកុម្ភៈ ឆ្នាំ២០២២នេះ បានលើកឡើងថា ប្រទេសដែលធ្លាប់ប្រដៅខ្មែរឲ្យគោរពសិទ្ធិបញ្ចេញមតិ និងសេរីភាពសារពត៌មាន ប្រញាប់ប្រញាល់បិទអស់សារពត៌មានដែលគេយល់ថាគាំទ្ររុស្ស៊ី។
នៅលើបណ្ដាញសង្គម នៅថ្ងៃទី២៨ ខែកុម្ភៈ ឆ្នាំ២០២២នេះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានសរសេរ បង្ហោះសារដ៏មានអត្ថន័យថា ៖ «គ្រាន់តែផ្ទុះសង្គ្រាមរុស្ស៊ី អ៊ុយក្រែនភ្លាម ប្រទេសដែលធ្លាប់តែមកប្រដៅខ្មែរឲ្យគោរពសិទ្ធិបញ្ចេញមតិ និងសេរីភាពសារព័ត៌មាន ប្រញាប់ប្រញាល់បិទអស់សារព័ត៌មានណាដែលគេយល់ថា គាំទ្រដោយរុស្ស៊ី។ យើងគ្រាន់តែកត់ទុកទង្វើរបស់គេសិនចុះ ចាំមើលបន្តិចទៀតគាត់មកដាក់គូទប៉ុកប្រដៅយើងរឿងហ្នឹងដដែល! សរសើរពួកគាត់ស្បែកមុខគ្រាន់បើមែនទែន !»៕
