FIFA ៖ សំបុត្រជាង៨០០,០០០សន្លឹកត្រូវបានលក់ដំណាក់កាលដំបូងសម្រាប់ការប្រកួត World Cup
ដូហា ៖ ស្ថាប័នគ្រប់គ្រងបាល់ទាត់ពិភពលោក និងអ្នករៀបចំការប្រកួត FIFA បាននិយាយកាលពីថ្ងៃពុធថា អ្នកគាំទ្របានទិញសំបុត្រចំនួន៨០៤,១៨៦សន្លឹកសម្រាប់ការប្រកួតនៅ World Cup នៅប្រទេសកាតានៅចុងឆ្នាំនេះនៅក្នុងដំណាក់កាលដំបូងនៃការលក់។
FIFA បាននិយាយថា អ្នកទិញសំបុត្រភាគច្រើនគឺមកពីប្រទេសកាតា សហរដ្ឋអាមេរិក អង់គ្លេស ម៉ិកស៊ិក អេមីរ៉ាតអារ៉ាប់រួម អាល្លឺម៉ង់ ឥណ្ឌា ប្រេស៊ីល អាហ្សង់ទីន និងអារ៉ាប៊ីសាអូឌីត។
សំបុត្រសម្រាប់ការប្រកួតបើកនៅថ្ងៃទី២១ខែវិច្ឆិកាក៏ដូចជាការប្រកួតវគ្គផ្តាច់ព្រ័ត្រនៅថ្ងៃទី ១៨ ខែធ្នូ គឺជាជម្រើសដ៏ពេញនិយមបំផុត។ FIFA បានបន្ថែមអ្នកគាំទ្រដែលមិនជោគជ័យក្នុងដំណាក់កាលលក់ដំបូងនឹងមានឱកាសមួយផ្សេងទៀតដើម្បីដាក់ពាក្យក្នុងអំឡុងពេលការចាប់ឆ្នោត នៅលើគេហទំព័ររបស់ពួកគេនៅថ្ងៃទី ៥ ខែមេសា៕